(سرِێ ب من نه‌ پێچه‌ )


من ناڤێ خوه‌ هێلا
ب ديوارێن په‌رستگه‌هێ ڤه‌
و ئه‌ز د لۆلاڤا لێڤێن ته‌ده‌ خه‌ندقيم..
ل سه‌ر پشتا ناسناما من نڤێسى بوو
رِه‌به‌نه‌ .. پشتا وى له‌ڤه‌نه‌...
جار با دبوو دژ.. جار ئاڤ دبوو له‌يلان..
نابت تو سرِێ ب من ب پێچى
پاييزێ ب رِه‌وشا من ب خه‌ملينى
ئه‌ز ئاليێ چه‌پێ ژ دلێ ته‌مه‌....
هووسا تو نڤستى
و ئه‌ز شه‌ڤان ددم باى..
بێده‌ره‌ عشقا من و ته‌
رِهه‌كا چيرِۆكا مه‌ يا دئێك ئالاى...
ببه‌ به‌فر و خه‌ونێن من
سه‌رسپى بكه‌
لێ تو دێ هه‌ر مينى په‌له‌ك سۆر
دناڤ دلێ من ده‌..
و دا ئه‌ز خوه‌ ژ بير نه‌كم ڤه‌
من ناڤێ خوه‌ ل سه‌ر ئه‌نيا خوه‌ كولا...!