دو كهڤانێن شهڤان
دو كهڤانێن شهڤان،
ل بهر قراغێن لێڤێن ته
قهوسهلێن ئهڤینا من و ته
دسپێرن....
خوناڤگرتنا پهلێن بوھارا،
شینھاتی ل بهر شۆپێن بھنا مه.
دهمێ خهو ڤهدزی
ژ ھهیینێن مه یی
دۆرپێچكری ب چیرۆكن گولگولی،
بهر ب ژبیربوونێن جھان ڤه.
دالهقاندی راسهری روێ ته،
ستێركن رێبوار
ب شوون خوه ڤه،
دكشینن چرساندنێن
خوه یی مشت
دهخساندن،
ژ چهنگهك كهنێ ته
یێ، زیلدایی د پهخۆخیا
سینگهكه راكهتی،
ل بهر ھهمبێزا ته یی،
دلۆرینه
وێ ھێڤیێ.
* * * * *
ل ھهڤپرسینا چر.. چرا چرچركان
و قور.. قورا بهقان،
شیار دكن
گوھێن ته ژ خلماشیا گۆتنێن
تلیێن من،
ل سهر پهنگزینا
كۆرتكن نژناندی ب دهستێن مهندالهتیێ.
و رۆنینه بێ سهر و بهر.
گوندێ خوه ئالاندی
ب گورزهك شینكاییا
نهقشاندی ب سمبل و خهجخهجۆكان
خوه نخوماندی ب بھنا پهز
و پرتكان.
سهیێ ئهشكهره دكه ھهیینا خوه
ب پهیكهتنا سیتاڤا مه یی
ڤهشارتی د تاریا سهد شۆپی ده.
دلهبتینن
چاڤان بهر ب پرسان ڤه.
و لێڤێن ته یی ژ نشكاڤه
جودا دبن ژ كهچینیا ترسا خوه
جانهكی ژ بهر سینگا دلبژاندنان
بهر ب خوه ڤه دكشینن.
* * * * *
گاڤا دهستێن خوهزیان
بهنێن بشیركرنێ بهر ب ستوێ
پێچهكا من ڤه دبن
دهردۆر پهیالێن سهرخوهشیێ
ژ ئاسیمانێ دێم شوشتی ره ھلددن
تڤیلكهكی،
كۆچبهر ژ ھێلینا داگرتی بێریكرن،
كهنێ ته یی ب دۆن ھلدگره
پاشیڤا چێلین بهندهواری
دلۆڤانیا سینگان.
و دیسا تاریێ بهر ب مه ڤه
درێسه.
* * * * *
ئهو دو كهڤان،
پیڤانۆكا،
پێلێن ژێدهرێن ته نه،
د ئاڤرابوونێن بێریێن من ده.
و د سپێرن ھلما خوه
یا د فووره سهقهما فستقی،
سینگا من ژ كهڤنه كێلێن باپیران.
خهتیرێن خوهشیا ڤێخستی،
ل سهر ب ئۆغرنكرنا شانێن من،
یێن ئاڤس،
د سبێدن ھلاتی، ل سهر كهچینیا خوه.
گوستیلكا دهردۆرن دلھهز، راخستیه
راسهری تهنێتیا مه یی بهلۆق د روودێمێ
مهھتاڤا زهلال ده.
مه بهر ب ھهڤ ڤه دگوھێزن،
شهڤن باركری ب مهردیا،
ھێلینێن چڤیك و قومریان.
باسك ھنهكری ب گرانیا،
خهوهكه دیل د پارسوێن شیاریێ ده.
سینۆرن خهملاندی ب رزیبوونێ،
ژ بهندهواریا مژوول،
ب دهرباسبوونن ڤهكری ل سهر دهستێ،
بزداندنێ..
ھهمی ئالیێن شینھاتی ل بهر ھێویبوونێن،
دلبهریا پهیخامی، رهفێن، خهمگینیان،
بهرژێری گهرمیانێن سینگا من دكن.
ڤهداییه ئاسیمانێ بیناییێن من،
ژ ئهورن پنگهھایی، بارینن زیز،
ل نهھوراندنێن تێرنهبوویی،
ژ ھهركاندنا زهخهل...
دو كهھنین كۆلایی ل سهر بێ ناخیا
كوورانیا برینێن من.
تهڤزینه دهم....
تهڤزینه تشتێن راخستی ل بهر ھهڤدیتنێ،
و لووس نهبوو ل وێ بێریكرنێ...
خوهزیا گرنژی...
ل بهر مهلساندنا...
باپیڤیتیێ....
