وێنهيێن بێدهنگييێ
رێباز زڤنگى
(1)
بێدهنگى مرۆڤى دكوژه...
لێ
كۆشتن نكاره مرۆڤان بێدهنگ بكه
جارهكى دن
ئيرۆ دووهى يه
ئۆ
سبه و
پاشى وێژى
دووهييهك دنن..
و د وان دووهييان ده
مرۆڤ دهزره
و تو نزانى ئهو چهند هزرى يه
لێ
دگاڤا خۆهكۆشتنێ ده
دزانى
كۆ ئهو
داوى پلهيا هزرينا وى يه
...
ل ور
و د وێ ژۆرا تارى ده
پهرستگهها كۆ مرۆڤان تێده ل ژيان و نهمرييێ گهرياى
ڤهدگهرم چاخێن دێرين
چاخێن كو،
گلگامێش تێده
ب كنفا نهمرييێ هاتى سێدارهدان..
و ئهنكيدوويێ خۆهداوهند ژى
ب شيرێ ئهردى هاتى فرشككرن و
خۆهداوهندييا خۆه ژ دهست داى
د وێ ژوورێ و وێ تارييێ ده،
تهنێ
لاشێ ژيانێ
ل سهر دارێ خاچدانێ
خاچداى دبينم
دبه،
ئهز
تو
سێ
ئهم
ئهو
تونهنه
و... ڤهگهريانا مهژى ژ بۆ تونهبوونێ يه
باژار
گوند
شكهفت
ههبوون و ئول و نهتهواتى
پهرستگههێن بێدهنگييێ نه
و بێدهنگى مرۆڤى دكۆژه
لێ
كۆشتن نكاره مرۆڤان بێدهنگ بكه
ئهز ژى
جارنا
بێدهنگييا خۆه كۆشتنێ دخوازم
جارنا ژى
كۆشتنا نه بێدهنگى و پربێژييێ
(2)
ل ور
و دبێدهنگترين پهرچهيا ئهردى ده
نه بێدهنگى يه
دهنگێ باى گوهێن من دئيشينه
ل ور
و د قهرهبالغترين پهرچهيا باژار ده
نه قهرهبالغه
بێدهنگييا لاشێن ماندوو و چهرمماى
دهنگ و ههستێن منێن ڤهشارتى دئازرينه..
نه ل ور دكارم بپهيڤم
نهژى
ل ور دكارم بێدهنگ ببم
مێزه بكه،
ئهورن
تارييا رۆژێ يه
خۆهشترين ههسته
مانه؟
نا...
ئهو چپكا هان يا تێ خۆار
نه بارانه
خۆينا من
خۆينا تهيه
ديرۆكا دوورا دووهى يه
ل ئاسمانان
و دناڤا
ئهوان كۆمێن ههلما رهش ده
خۆه
ڤهشارتى يه...
و دخۆازه
جارهك دن
ڤهگهره
و وێ دوهييێ
دسبهيا مه ده دووباره بكه
ئهى چپكا خۆينێ،
هێڤى دكم
نهكهڤه!
دووهى ناخۆازم
سبێ ژى ناخۆازم
دخۆازم
د ئيرويهك بێدهنگ ده وندا ببم:
- دزانى چما ؟
- نا
- چهوان ؟
- نا
- كهنگى ؟
- نا
ل كۆ ؟
- نا
- تو چ دزانى..؟
- چ نه!
و دخوازم چ ژى نه زانم...
- ئهى (ئاداموس)
ته چهوان زانى؟
مه
دووهييا خۆه زانى
ديرۆكه
ههر چهوان به
ب شاشى و دورستى هاتیيه نڤيساندن
لێ ته
سبهيا خۆه
مرنا خۆه
سبهيا مه
و تارييا پێشهرۆژا هه
دنهێنيێن ههلبهستان ده گوتن...
ئهز نكاريم خۆه ل بهر رهشاتييا دوهى بگرم
چهوان ته
د رهشاتييا دوهى و ئيرو ده
بێدهنگى پهرست...؟
- و تو چ دزانى؟
- تهڤ تشتان
...
ئهز
دوهى و ئيرو و سبێ
نا پهرێسم
بهلكۆ
بێدهنگييا نها و
ڤێ جامهيا مهيێ
و ڤێ جگارهيا كۆ هێدى هێدى
دگهل شهوتينا خوه
مه دشهوتينه و
بههرا خۆه يا تهمهنى ژ مه دستينه,
دپهرێسم...
هوون ژى
ئاشوپهيا خۆه بپهرێسن و بێدهگ بمرن...
