مسته‌فا سه‌لیم ئاکره‌یی  ( هه‌لبه‌ستڤان )

من تۆ ڤيایی
مسته‌فا سه‌ليم ئاكره‌يى

ل وه‌لاته‌كێ هێشتا گول تێدا نه‌ گه‌هين و...
تلێن نازك تێ نه‌ گه‌رياين
ئه‌و باژێرێ جارا ئێكێ من تۆ لێ ديتى
دگێله‌شووكا چاڤێن من دا يا به‌رزه‌بووى
رۆژێ چه‌ند جار ئه‌و نامێن ته‌ هنارتين و...
ب تلێن خۆ يێن نازك نڤيسين
من تۆ دڤێى
دچاڤێن من دا دبنه‌ په‌يام و...
دگه‌ل سه‌مفونيا به‌فرێ تێكهه‌ل دبن
دلێ من ژى دبيته‌ به‌له‌مه‌كا شكه‌ستى
خه‌م و په‌ژارێن من...
به‌ره‌ف كه‌ونه‌كێ بێ دويماهى دبه‌ن
ده‌ما جارا ئێكێ ...
من تۆ هه‌مبێزكرى مينا لێلاڤا به‌فرێ
ل سه‌ر لێڤێن من تۆ دبهوژتى
سينگى ته‌ ب روندكێن من ته‌رِ دبوو و
دگه‌ل بێهنا گولا ڤه‌دبوو
ڤه‌دبوون بازار و سويك
گيانێ ته‌ دبن جلكاڤه‌ دبوو خوديك
من خۆ دديت وه‌ك سياره‌كێ
دتيشكێ رۆژێ دا دهاتم
گوله‌كا سينكێ ته‌ ژێدكر
دبه‌له‌كۆنا دلێ خۆ دا دچاند
داكو هه‌مى په‌نجه‌رێن ڤى باژێرى
به‌روڤاژى ببن و خوها كه‌ربا خۆ به‌رده‌ن و...
ئه‌ژى ببمه‌ سه‌مفونيا به‌فرێ و...
ببمه‌ هلم ...
ل بيابانا وه‌لاتێ هه‌ ببمه‌ باران و...
لسه‌ر داڤێن برچا ته‌...
ريتما ماچه‌كا تێهنى دگه‌ل هه‌ناسا ده‌نگێ ته‌
ئه‌ز بسترم .