د ناسناما تهنهايێ دا ئهز و تو ههڤژينين
دهمێ تهنهايى ب دهنگێ لايلايا خوه يا كزگريۆك بيريا ته د لاندكا
بێدهنگيێ دا
دههژینت
تو گهرمترين دهنگى, دگوهێ كهرِێ تهنهايێدا ئاوازان دسترينى
ب لهزترين هاتنى, د چاڤێن زلێن جاداندا گههشتنان دههلينى
ئهز دجادهيێن تهنهايێدا ل سيبهرا ته دگهرم
گهريان ب پێن گاڤێن ئينتزارێ دلێ ژڤانێ دقوتت ل ژڤانا دگهل ته
ئهز دلقوتكا دلێ بێدهنگييێ مه و
ب لێڤێن حهزێن برسيڤه, ژ مهمكێن تهنهاييێ
شيرێ بيريا ته دمێژم
هاويش دبم , هاويش
هاويش بوونا من د سينگێ تهنهايێدا ب ددانێن سپى يێن كهنى
بێدهنگييا گرى دژهنت , سترانا هاويش بوونا من
ب سهمفونييا سوورهتا عهشقێ
ناڤێ ته و ناڤێ من
دناسناما تهنهايێدا ب پهيڤا ههڤژين دلوريند
ناڤێ ته شهعره
ناڤێ من شاعێر ئو تو, ئهى شهعرا تازه ژ ئهزمانێ ئاشۆپان ههتا سهر
پهنجهيێن من رژيايى, ژ ته دوو گيانم
ئو تو , ئهى بوهارا چاڤهرێ
ئهزا دووگيان ژ ئاشۆپان هێشتا نه گههشتيمه وهرزێ سنێليێ هێشتا چ
دادوهرا بريارا مارهكرنا من نهداى
ل ته دهێمه مارهكرن, وهره ل ڤێ دادگاى ياريا چيكانێ بكهين يان
خوه دكويراتييا مژارا چاڤێن زڤستانێدا ڤهشێرين,
يان د نهێنيێن ئهشكرايێن بوهارێدا د ڤێ ياريێدا ئهز دێ ته ل كيڤه
بينم؟ ل پشت ديوارێن ههرفتى؟ يان ل بن سيبهرا دههمهنا ڤهرێلهايا
سيڤاندا ئهيوانا مه؟ بو ته بێژم ... ژ وێ رۆژا چوچكان هێلينا خوه ل
بن كاريته يێن كۆلكهكى ئاخێ ڤهشارتى
ئێدى داران پهنجهيێن باى د ناڤ زولفێن خوه دا نهديتن ! ئهز ژيك دێ
ته دناڤ كهفا دهستێن خوهدا ڤهشێرم
ههتا دگههينمه كولانا ئاسويێ و دهريكێ سپێدێ د قوتم ئهگهر من تو
ديتى, ل بهر دهريكى سپێدێ
گهرمترين ماچ و سلاڤا ههتاڤێ به
خهم ناكهت سهر خوهش بى يان ژيك ب دهست نڤێژ .... ل پشت ديوارێن
ههرفتى ب سهر خوهشى ئاوازا سهما ژيانێ ڤهلورينه, ل بن سيبهرا
سيڤاندا ئهيوانا مه, چبكێن گونههان ب دهست نڤێژهكا نوى
ژ ئهنيشكا دهمى وهرينه! ئوو, دوودل نهبه, ل ڤێرێ بو دابهشكرنا
ههمى ئهنجاما,
مهرگ بهرزترين پلهيه بو دوماهيكا سهرخوهشيێ و دهستێن تژى نڤێژ
تو دێ من ل كيڤه بينى؟
ل بن كراسێ زهر و تهنكێ ههتاڤێ؟ يان ل بن سهوانا مژيلانكێن چاڤێن
عهوران؟
ئهگهر ته ئهز ديتم... بشكوژێن لێڤێن خوه ل سهر ئهنيا من
ببشكورِينه
هێشتا خوهدان نه بوويه مانديبوونهكا بێهوده!! چێدبيت هينگێ ياريا ل
گهل ته بهێلم و,
ل گهل فريشتهيا بو چنينا گولێن جوانييێ بچم ههتا نهه ههيڤێن دێ و
ل ڤهگهريانێ, وهكو دائێكێن دووپشكان پشتا هيڤيێن من بتهركت و
حهقيقهت, ژ من ژدايك ببيت و ديتنا من بكهته سهراب چێدبيت د ياريا
دگهل تهدا بمينم و ب دهستێن شل و تبلا چارده يا ئادارێ
داركاژان بچينم
ب سهر بكهڤم ئوو ئێدى تو, ناسناما من كولاڤێ كهسكێ بووكهكا
ئێلكترۆنى نه بينى
پاشى هينگێ ئهز و تو
دێ ژ ماركێتهكا 50% بهايێ بازارێ وێ هاتييه خوارێ
دێ ديهكا پيڤازى كرين
تو ب دهنگێ خوه يێ بابانى
د گوهێن وێدا ههلبهستهكا نووى بخوينه
دا خهسييا من, ئهوا ناڤێ وێ زهمان
ب شهما ڤيانێ, چاڤكهكا زێرى دناڤ زولفێن وێدا بچيند
ئهز بگرنژم و زولفێن ئاشۆپان , ب تلێن گولگولێن
بوهارێ ڤههينم
ئوو گازى كهم
ئاشۆپ دهنگێ حهقيقهتێيه!
ئه مما گهلهك دوور, هندى ته دوور
هندى من دوور, هندى كراسێ سپييێ عهڤرا دوور
ئوو تو چهند دوور بى, دێ ل سهر بهژنا درێژا دووربوونێ ب ههناسا
هاتنێ بهوستێن نێزيكبوونێ پيڤم و ل رۆژهكا ههتاڤ و بارانى ب
پهنجهيێن دهستێن دهريايێ و سپێتركا پێ درێژا ههتاڤێ
ههتا بن كراسێ عهوران چم
ل سهر لهشێ عهدرێ
ب چبكێن بارانێ بو ته نڤێسم
ئاشۆپ حهزن و
پێنگاڤێن من حهقيقهت و
تهنهاييى ناسناما ههڤژينيا من و ته.
