|
Xelatê Mista
Gel: Seyid Feysel Moctevî
Irada gel cihan ji xeva giran hişarkir,hirehira lêmişta meşên
insanîye kurd li newroza 2008 an bîr û baverên xirabe cihanê li
derbara kurdan de ji holê rakirin,kombûn û beşdariya gelê kurd di
ceşna newrozê de bû sedema texyîr û tehevilkî esasî di sersala nû de
ji ber vê di nêzîktirîn vext de ku cejna nevrozê tê pîroz kirin
dadigeha Evrûpî partiya PKK ya milletê kurd ku ji ser zexta
kompiloya navnetevî bi terorîsmê tavanbar bû ji nav saziyên
terorîstî tîneder û çi delîl ji bo terorîst bûna vê nabîne û ji vê
sûçê hat tebriekirin.
Mista mezine gel ku ji tifaqa milletê hişyare me pêkhatibû ji ber
agirê nevrozê bi coşekî mezin û aştîxazane di piranîya bajar û
metropolande ji nav welat û derveyî welat çavê cihanê ji ser mafê
revaye kurdan vekirin û dirişma serekîye (Êdî Bese) ji sînorê
sansora impiryalîsma xeberî derbaz bû,heta dijminên sûndxarîye
kurdan nekarîn coşa pir xoroşe van nebînin, heybeta newroza nû omêda
serkotkirinê naomêdkir.
Kurd ji çineyîyê hatine ser heyatekî nû,hatin naskirin, bûn xudîyê
nasnameyekî navnetevî bi zimanê dijminê xwe,wekî Erdoxan ji Suêdê de
dibêje kes nikare zimanê kesekê jê bistîne û kurd velatiyê mene û
şehrivendê derce 2 ninin belkî welatiyê me yê serekîne.emê ji van re
tilivizyona kurdî vekin.
Berpirsekî radyoya Tehranê dibêje
: (dema ku taze radyoya kurdîye Tehranê desbikar kir,piraniya bîserê
vê kurdê bakûrê bûn û bi name û nivîsên xwe piştgîriya vê radyoyê
dikirin û li ser radyoyê nav û nîşanên van dihatine xwendin bi navê
Kurdistana Tirka û tirk ji vê revşê nigeran bûn û balyozê van tê
radyoya kurdîye Tehranê û destûr dide karmendê radyoyê ku navê kurdê
tirka neynin û ji ber hindê dema nameyên kurdê bakûrê ji ser radyoyê
tên xwendin bêjer bedela navê kurdê tirkan dibêjin (heçî cihê
lê)hingê berpirsekî radyoya kurdî dibêje balyozê tirka gelik keyfa
şahê Îranê kurda tê û radyo ji van re danîye lê çire tirk visa
nakin.balyoz bi kerbve mistikê li ser mase dide û dibêje keyfa şah
kurda nayê lê ji mista kurda ditirse,gava ku em jî ji mista kurda
tirsiyan emê van re radyoya kurdî vekin.)
Agahî û rabûna ser pêyan bi giştî xelatên mestir di pêşerojê dibîne
û azadiya welat di gireva yekîtiya gelê kurde û bi rêyên aştîxazane
û medenî bi yêkdengî û pevrebûnê dê çiyayê bilinde azadiyê bi coşekî
mezin feth kin.
Sine 2008-04-04
| 
Nûkirin :15/04/2008 
Amar