|
دهنگوباس: شاندێ ئیکهتییا نڤیسهرێن کورد، کو ب
ئاوایهکێ فهرمی ژ لایێ ئنستتیۆتا کوردی ل برۆکسهلێ
ڤه هاتییه ڤهخواندن، هێژ ل برۆکسهلێ یه. ل رۆژا
پێنجشهمبێ رهکهڤتی 17-04-2008 و ل پهی داخوازا
سهرۆکێ شارهدارییا باژیرێ ( Heren ) هات ڤهخواندن
ژبۆ خوارنا نیڤرۆ، ههژی گۆتنێ یه کو ههژمارهک ژ
نڤیسهر و ئهدیبێن فلامان ژی ئاماده بوون. ل
رۆژائهینیێ رێکهڤتی 18-04-2008 و ب ههلکهڤتنا
سهرهدانا ساندێ ئیکهتییا نڤیسهرێن کورد ژ دهۆکێ،
وهزیرێ رهوشهنبیری ( بێرت ئنسیۆ) کۆنگرهیهکه
رۆژنامهڤانی بۆ مهدیا بهلجیکی سازکر و بخیرهاتنا
تهڤایا مێهڤانان کر. ههژی گۆتنێ یه کو ساندێ
ئێکهتییا نڤیسهرێن کورد هندهک ژ بهرههمێن خوه
پێشکێشی وان برێزان کرن.
ههروهسا ل دانێ ئێڤاری، سهمینارێن تایبهت هاتنه
سازکرن ئهو ژی وهک کو ل ژێر:
- ئهدهبێ کوردی چ یه؟ ئهو سهمینار دهربارێ
دیرۆکا ئهدهبیاتا کوردی بوو، بهحسێ هندهک قووناغان
هاته کرن، ههروهسا بهحسێ ئاستهنگ و قهبخوازی و
هێڤیخوازییان. سهمینار ژ ئالێ ڤان برێزان هاته
برێڤهبرن: عهبدال نووری، خێری بۆزانی و کۆنێ رهش.
- بهرههمێن ئهدهبی هاتنه خواندن و ههروهها
وهرگێرا وان ب زمانێن بیانی وهکو ئنگلیزی و فرهنسی.
سهمینار یان پانێل ژ ئالێ ڤان برێزان ڤه هاته
سازکرن: حهلیم یووسڤ، شاهین سۆرهکلی، حهسهن
سلێڤانی، ئیبراهیم سهلمان و هێڤی بهرواری.
- هندهک پارچه ژ موزیک و سترانێن کوردی هاتنه
پێشکیشکرن ب بهشدارییا ڤان هونهرمهندان: حهکیم و
دلۆڤان.
ههژی گۆتنێ یه کو ههژمارهکه زیده ژ کهس و
لایهنان ئاماده بوون ژ وان ژی سهرۆکێ یانا پهنا
فلامان، جێگرێ سهرۆکێ پهرلهمانتۆیێ ئهورۆپا
زێدهباری هندێ گهلهک ژ دهزگههێن راگههاندن و
مهدیایا بیانی و یا کوردستانی ژی وهکو کوردستان
تیڤی، رۆژ تیڤی و نهورۆز تیڤی.
بریز حهسهن سلێڤانی سهرۆکێ ئێکهتییا نڤیسهرێن
کورد - دهۆک، دیاری دانه وهزیری رهوشهنبیری، ئهو
ژی:
1- دروشمێ ئێکهتییا نڤیسهرێن کورد - دهۆک
2- کۆڤارا پهیڤ
3- رێبهرێ پرۆژهیێ وهشانێن پرتووکان، ههروهسا
هندهک بهرههمێن وهرگێرایی بۆ زمانێ ئنگلیزی ژبۆ کو
ب رهوشا تێکست و ئهدهبیاتا کوردی ل باشوورێ
کوردستانێ هایدار بن.
4- ئێکهتییا نڤیسهرێن کورد نامهیهک دهربارێ
رهوشا زمانێ و ئهدهبیاتا کوردی سپارت دهستێن
وهزیری رهوشهنبیری و تێده بهحسێ رهوشا زمانێ
کوردی و مافێ مللهتێ کورد د ژیان و ئازادیێ ده،
پێشکێشکرن.
ل دوماهییێ ههژی گۆتنێ یه کو ساندێ ئیکهتییا
نڤیسهرێن کورد - دهۆک، دێ سهرهدانا هندهک وهلاتێن
دی ژی بکه، وهک: ئهلمانیا و هۆلهندا، ژبۆ
پێشکێشکرنا هندهک سهمینار و کۆڕێن تایبهت،
ههروهسا ژبۆ خورتکرنا پهیوهندییان ل گهل سازییێن
رهوشهنبیری و ئهدهبی.
 |
.jpg)