د رۆژێن ١٠، ١١، ١٢/٠٢/٢٠٠٨ ڤه‌ستيڤالا هه‌لبه‌ستڤان جه‌گه‌رخوين ل هه‌ولێرێ، هۆلا پێشه‌وا هاته‌ ل دارخستن، ئه‌ڤ فه‌ستيڤال ب چاڤدێريا سه‌رۆكێ حكومه‌تا هه‌رێما كوردستانێ نێچيرڤان بارزانى ده‌ بوو و ژ ئاليێ وه‌زاره‌تا ره‌وشه‌نبيرى ڤه‌ كۆ كۆميته‌يه‌ك ژ بوو فه‌ستيڤالێ هاتبوو هلبژارتن ب رێڤه‌ جوو، د ناڤا فه‌ستيڤالێ ده‌ گه‌له‌ك نڤيسكار، رۆژنامه‌ڤان، وێژه‌ڤان و ره‌وشه‌نبير ژ هه‌رێمێ و هه‌ر سێ پارچه‌يێن كوردستانێ و ده‌رڤه‌يى وه‌لات ئامه‌ده‌بوون، له‌وما ئه‌ڤ ژى سه‌ده‌مه‌ك بوو كۆ بهتر فه‌ستيڤال ره‌نگه‌كى نه‌ته‌ويى بگره‌ و بهتر نڤیسكارێن ئامه‌ده‌ هه‌ڤ ناس بكن، ديسان ژ مالباتا هه‌لبه‌ستڤانێ مه‌زن ژى نه‌ڤيا وى و كورێ وێ كه‌يۆ و گه‌له‌كێن دى ژی ئامه‌ده‌ بووبوون.

رۆژا يه‌كه‌م ژ فه‌ستيڤالێ:
رۆژا يه‌كه‌م ژ فه‌ستيڤالێ ب چه‌ند ستران و سروودێن كۆ ژ هه‌لبه‌ستێن هه‌لبه‌ستڤان جه‌گه‌رخوين هاتبوونه‌ هلبژارتن ژ ئاليێ تيپا مووزيكێ يا دوهۆكێ ڤه‌ ده‌ستپێكر، كۆ تيپا ناڤبرى ب شێوه‌يه‌كى نوو و رێك و پێك ئه‌و هه‌لبه‌ست كربوونه‌ ستران و ئاواز.
د په‌ى ره‌ گۆتارێن ڤه‌كرنێ هاتنه‌ خوه‌ندن كۆ ژ گۆتارا پارێزگارێ هه‌ولێرێ نه‌وزاد هادى ده‌ستپێكر و پارێگارى ژى بال كشانده‌ سه‌ر گرنگيا ڤێ فه‌ستيڤالێ ژ بۆ ته‌ڤايا نه‌ته‌وا كورد، هه‌روه‌سان گۆتارا يه‌كيتيا نڤيسه‌رێن كورد -هه‌ولێر هاته‌ خوه‌ندن، ديسان گۆتارا به‌رێز فه‌له‌كه‌دين كاكايى وه‌زيرێ ره‌وشه‌نبيرى يێ حكومه‌تا هه‌رێما كوردستناێ هاته‌ خوه‌ندن و وى ژى تێدا بخێرهاتنا هه‌مى مێڤانان كر و بال كشانده‌ سه‌ر رۆلێ گرينگ يێ ڤێ فه‌ستيڤالێ و ده‌ستنيشانكر كۆ وان وه‌كو وه‌زاره‌ت ل به‌ره‌ هه‌ر سال هنه‌ك پرۆژێن ره‌وشه‌نبيرى يێن وه‌سان پێك بينن، پشتره‌ گۆتارا بنه‌مالا هه‌لبه‌ستڤانێ نه‌مر جه‌گه‌رخوين ژ ئاليێ نه‌ڤيا وى ڤه‌ سليڤا جه‌گه‌رخوين ڤه‌ هاته‌ خوه‌ندن.
د هه‌مان رۆژێ ده‌ پێشانگه‌هه‌ك هاتبوو ئامه‌ده‌كرن كۆ تێده‌ گه‌له‌ك به‌رهه‌م، وێنه‌، ده‌ستنڤيس، به‌لگه‌، جل و به‌رگ و گه‌له‌ك كه‌ل و په‌لێن تايبه‌ت يێ هه‌لبه‌ستڤانێ مه‌زن هاتنه‌ نيشاندان.
د دانێ ئێڤارێ ده‌ چه‌ند سمينه‌ر هاتنه‌ پێشكێش كرن كۆ ئه‌و ژى ئه‌ڤ بوون:
١- عبد الره‌حمن ئووزگوون "جه‌گه‌رخوين هه‌لبه‌ستڤانێ تايبه‌تى ملى ".
٢- كه‌ريم شاره‌زا "جه‌گه‌رخوين هه‌لبه‌ستڤانێ خه‌باتێ نه‌توه‌يى و چينايه‌تى ".
٣- ره‌زۆيێ ئۆسێ "خوه‌ندنه‌ك تايبه‌ت ژ هه‌لبه‌ستێن جه‌گه‌رخوين ره‌ ".
٤- عۆمه‌ر فارۆق يه‌كداش "ئه‌يدۆلۆژيا و ژن د هه‌لبه‌ستێن جه‌گه‌رخوين ده‌ ".

رۆژا ٢
به‌رناما رۆژا ٢ يا فه‌ستيڤالێ د كاتژمێر ١٠، ٣٠ ئێ سبهێ ده‌ ب نيشاندانا ئاهه‌نگه‌كى بالێيى ژ ئاليێ تيپا سه‌ما يا سلێمانى ڤه‌ هاته‌ ده‌ستپێكرن.
پشتى دۆماهيك هاتنا تيپا سه‌ما چه‌ند سيمينه‌ر و لێكۆلين هاتنه‌ خوه‌ندن و دانووستاندن ل سه‌ر وان هاتنه‌ كرن، سمينه‌ر ژى ئه‌ڤ بوون:
١- د. كاميران به‌روارى: "جه‌گه‌رخوين هه‌لبه‌ستڤانێ هزر و ته‌ڤگه‌را نه‌ته‌وه‌يى ".
٢- سه‌لوا گولى: "ژن د هه‌لبه‌ستێن جه‌گه‌رخوين ده‌ ".
٣- كۆنێ ره‌ش: "لێكۆلينه‌ك د هه‌لبه‌ستێن جه‌گه‌رخوين ده‌ ".
٤- شه‌وكه‌ت سندى: "چ وه‌سا كر كۆ جه‌گه‌رخوين نازناڤێ جه‌گه‌رخوين هلبگرێ ".
٥- د. سعده‌دين مه‌لا: "رۆلێ هه‌لبه‌ستێن جه‌گه‌رخوين د به‌رجه‌سته‌كرنا بهايێ نه‌ته‌وه‌يى و نشتيمانى ".
٦- په‌رويز جيهانى: "ئه‌ڤينى، يار و وار د هه‌لبه‌ستێن جه‌گه‌رخوين ده‌ ".

پشتى نيڤرۆ ديسان به‌رده‌وامى ب به‌رناما فه‌ستيڤالێ هاته‌ دان كۆ جه‌ند سمينه‌ر هاتنه‌ پێشكێشكرن:
١- عه‌لى شه‌مدين: "راپۆرتێن ده‌ربارێ جه‌گه‌رخوين ده‌ ".
٢- نارين ئۆمه‌ر: "ديمۆكراسيه‌تا جه‌گه‌رخوين د گه‌ل بنامالێ ".
٣- نه‌وزاد عه‌بدوولا بامه‌رنێ: "ئيديۆلۆژيا د هه‌لبه‌ستێن جه‌گه‌رخوين ده‌ "
٤- ئارژه‌ن ئارى: "د ده‌ربارێ ناڤێن جه‌گه‌رخوين ده‌ و هه‌لبه‌ستێن و ب سۆرانى ".
٥- ئه‌حمه‌د ئه‌بۆ: "كارتێكرنا هه‌لبه‌ستێن جه‌گه‌رخوين ل سه‌ر كوردێن رۆسيا ".

رۆژا ٣ و داوی.
د رۆژا ١٣ -٠٢ -٢٠٠٨ و ل ده‌م ژمێر ١١ ێ سبهێ فيلمه‌كى دۆكۆمه‌نتى د ده‌ربارێ ژياناما جه‌گه‌رخوين ده‌ هاته‌ نيشاندان و دانووستاندن ل سه‌ر هاته‌ كرن، هه‌ر ل دانێ ئێ‌ڤارێ ژ ڤێ رۆژێ به‌لاڤكرنا خه‌لاتا ب سه‌ر كۆميتا ئامه‌ده‌كار و بنه‌مالا جه‌گه‌رخوين ده‌ و نڤيسكارێن كۆ به‌شدارى د سميناران ده‌ كربوون هاتنه‌ به‌لاڤ كرن و پشتره‌ شاهيه‌كه‌ هونه‌رى و ستران گۆتن ب به‌شداربوونا ڤان هونه‌رمه‌ندان: شێرين په‌روه‌ر، محمد تاها ئاكره‌يى، سعيد گابارى، خۆشناڤ، جودى، نارين فه‌قه‌، به‌نگين و بلند عه‌بدوولا هاته‌ ب داوى ئينان.