ژبۆ خورتکرنا پرێن په‌یوه‌ندیێ دناڤبه‌را ئه‌ورۆپا و کوردستانێ ده‌ ، هه‌روه‌سان دناڤبه‌را کوردێن ناڤا وه‌لاتی و یێن ده‌رڤه، شاندێ ئێکه‌تییا نڤیسه‌رێن کورد – دهۆک ب هه‌ڤکاری ل گه‌ل کۆمه‌لا کانییا سپی، دێ ئێڤاره‌ک تایبه‌ت ل باژێرێ بیلفیلدێ ( Bielfeld ) ئه‌لمانی پیشکێش کت ئه‌و ژی ل رۆژا شه‌مبیێ سه‌عه‌ت 2 پشتی نیڤرۆ ل گۆر ده‌مێ ئه‌ورۆپا. هه‌ژی گۆتنێ یه‌ کو که‌نالێن راگه‌هاندنا کوردی و ئه‌لمانی دێ ل سه‌مینارێ ئاماده‌ بن ب تایبه‌ت ساته‌لیتا کوردستانێ.
که‌سێن به‌شدار د ئێڤاێ ده‌:
1- حه‌سه‌ن سلێڤانی: ده‌ربارێ رۆلێ ئیکه‌تییا نڤیسه‌رێن کورد - دهۆک د ئاڤاکرنا پرێن په‌یوه‌ندیێ ده‌ دناڤبه‌را کوردستانێ و ئه‌ورۆپا ده‌.
2- عه‌ڤدال نووری: ده‌ربارێ رۆلێ سازی و دامه‌زرینگه‌هێن جڤاکێ سڤیل د دیمۆکراسیکرنا خێزانێ ده‌.
3- خێری بۆزانی: ده‌ربارێ ئاسته‌نگێن هه‌یی د رێکا ئه‌ده‌بیاتا کوردی ده‌.
4- ده‌روێش فه‌رحۆ : رۆلێ ئێکه‌تییا نڤیسه‌رێن کورد – دهۆک دناڤبه‌را ئه‌ورۆپا و کوردستانێ ده‌.
5- سه‌لیم بچووک: پرسگرێکێن زمانێ کوردی.
6- حه‌سۆ هرمی: رۆژنامه‌گه‌رییا ئازاد.
7- ئه‌کره‌م ره‌شۆ: باندۆرا ساته‌لیتێن کوردستانی ل سه‌ر هونه‌را کوردی.