((بيرهاتنێن پيڤازى ))
حهزێن من
دپاخلا روژێ دا دبنه ئاكر و
ئاورێن ته دبنه باران و
پهيڤێن هوزانهكا شكهستى
ژ لێڤێن من ددزن ...
روژا ئهزو تو
لبهر دهرگههێ ئهسمانى
تهمارێ چاڤێن مه نخافتبون
بروسيا ئهم ژ خهو هشيار كرين......
ئهز ژ ههناسا ته نێزيك تربوم و
ته لسهر سينگێ من
خهونێن فريشتا دديتن و
ئهم ههردوو دبوينه
ئاگرێ شورهشهكا گهرم و
جار من تو دخاندى و
جار ته توخيبێ دێمێ من دبهزاند و
تو دبويه نێرگزهكا ژنوى گهشبوى و
ئهز دناڤ ههناسێن ته دا
دبومه بهلاتينك و
بهرائهتا خو دوهرانده
سهر ريێ گولان و
ژخوناڤا وان گولاڤهكا بێهن نهرم
لسهر بهژنا ته من درهشاند.....
ئهڤجا وهره
ببينه دوو خالخالوك و
سهمايێ دگهل باى بكهين .....
خو دمن وهربكه
ژمێژه ئهز خهريبا
ههمبێزكرنا سينگێ ته مه و
نههێله ترس،
ببيته قهرالێ عهشقێ و
ڤيانا مه ئالوز بكهت ..
وهره ، ئو ههڤركيا چيا نهكه
تو بخو دزانى
نڤێژێن قهزا كرى
زى بلند نابن و
ب ئهسمانى ڤه دهێنه ههلاويستن و
نههێله گونههێن مه ببنه تلوڤه و
نههێله ئهز خو لسهر لێڤێن ته تيرور بكهم و
بيرهاتنێن خو ژبير بكهم
لبيرا تهيه :
ته دكوت پرچێ ته
ههلبهستهكا نهخانديه و
چاڤێن ته
دوو كنارن پاپورا من تێدا نقوم دبيت و
لێڤێن ته شانێن هنگڤي نيه و
دهرمانێ تا بركايه....
ئهڤجا وهره
نههێله تايا سهكهراتێ پيت من بگهزيت ..
ئهز يا ژ ژيانێ درهڤم و
دوعا مرنێ دكهم و
دوعا ددهستێن من دا دچرمسن و
چرکێن ژيانا من دبنه پهلێن كهش و
چهرگێ من دخون ونا مرم...
ههر شهڤ
چاڤێن من ب ئهسمانى ڤه دبنه سنك و
ستێرا دههژمێرم و
گيانێ من بهرهڤ عهرشێ بلند دفريت و
جاره كا دى نزم دبم و
دبێدهرا دهستێن تهدا ب ليس دچم و
تلێن من ب شيماتى
داڤين سپى ژ پرچێ ته ددزن ....
دلێ من نێرگزهكا جرمسيه
دميحرابا دهستێن تهدا بتنێ كهش دبن ..
وهره
خو پێ خاس بكهين و
لسه دهريايێ بهستى
چينگانێ بكهين و
دى دلێ خو بو ته كهمه ژور و
خو تێدا ڤهشێره
وهره ههستێن من دينن، دئازرينه
ل قولاچكێن ژيانا خرش
لسهر كێليێن زيارهتا دادهن و
نڤێژهكا سپى دكهن و
شهڤين نێرگزى وبيرهاتنين بيڤازى
دناخێ مندا دبنه مرن و
دگهل نيرها مهسيحى بهرهڤ ئهسمانێ دفرن ....
وهره ببينه دو كوتر و
بهرهف دارستانێن ئهمهزون بفرين
ئها ل وێرى دوير ژ ههمى كهسا
دێ عهشقهكا سهرمهدى
لسهر مژيلانكێن ئهوران
كهينه بوهار .
كهينه خهون و
ئهڤێ خهونێ كهينه راستى.......
دايكا داليايێ
13/12/2007
ژ
ته خهریبم