|
گهزۆ
گهزۆیا دیاڤینێ
سهر لێڤێن ئهڤینێ گهزۆ یه
گهزۆیا بێریا دبسترێ
سهر بهلگێن گهزۆیان گهزۆیا دلێ من ل غۆربهتێ بێریكرن، بیرهوهری
گهزۆیه.
ل سهر پارچه و كێلیكێن چهرخێ، سۆز و پێتان، ژ وان بهلهگێن دارا
بیرھاتنان ھهر تشت قهشهنگ و جوانه، نهال بوونه چیا، چیا ژ بلندییا
خوه داكهتنه، دارێ باركر، گول د رهنگێ خوه ده، بێدهنگه، رووبار
بێدهنگه، ماسی ژ گۆڤهندێ سلن
نێزیكرنا رێكێن دوور، د كۆچكرنا نهدیار ده... وارێن زارۆكان
تالانكری... مهزن دبن زارۆك د باژارێن مینا گوندهكی مهزن ده، ب
ئاورێن شكهستی. لێڤێن لهرزی... باژار زندانه. مرۆڤ، سوپهرماركت،
قاتێن باله، فیلمهكی كارتۆنی یه، یاریا زارۆكان.
شهڤ درێژن، ھهیڤ نهدیاره، رۆژھهلات سیمایێ رۆژنامهیا ھلدگرت،
كۆلان شۆپا مه هنداكرنه، ل گهریانێ نه، بالندهیان بێرییا كهنی و
گۆتوبێژا مه كریه. كهزیێن ھێڤییان، ل شوون مه دهێن ڤهھاندن،
خوهزیكێن مه، ل دهوسا خهمرهڤینێ نه. دهم ل نك مه تنێ
رادوهسته، ژ شهرمان ده گیانۆكێن خوه د كووراھیا رۆندكان ده
دپارێزم، دهنگێ ئاوازا ته ڤهمری، كهو لال بوو و رووخسارێن ته
بێدهنگی، روودانا ساخكرنا منه، گوھێ من سهراد و بێژنك ل خوه
كۆمكرنه و چاڤێن من، دنێرن و دنێرن ل شۆپا بهندهوارییێ... ”
كهسهك نكارت بێوهفایا راستهقینێ بگوھۆرت. ڤێ تێدگهھم: تنێ
دارھنار دكارت ھهمی وهرزان رۆندكان ھمبێز بكه و شهنگهكێلیكێن
خوه سیبهر پێشكێش بكت. دهم ئاخ…، دهم بنسیبهره. دهم ستهمكاره.
| 
