بهرههم - نڤیسار
ئێرێک دێمێر
بهدهل رهڤۆ ( ههلبهستڤان و وهرگێر)
ئێرێک دێمێر
ئاخ ... چهند ژ ؟
وهرگێران ژ ئهلمانی : بهدهل رڤو مزوورى
ئاخ چهند ژ
ستران وئاواز ل سهر
كومێن سهربازێن
پيس،
هاتيیه گوتن...
ل سهر خوينان هاتیيه رشتن
بێ پێدفى...
ل سهر ژان و مرنێ،
خهم و تهنكاڤيان،
كوڕێ من...
تشتهكى بتنێ
د ڤى بواری ده،
ژ بهر بكه:
چونكى هێشتا سهرباز
ب دهنگهكێ بلند
دسترن .
****
ئاخ چهند ژ
پهرتوكان هاتينه نڤيسين
دژى دهستههلاتا قهشهیان
دژى ئێگرتنا كومپانيان...
و جهنگا فروتنێ...
دژى ئازاردانێ و
يێ ئازارداى...
دژى توند و تيژيێ
ل شوينا مافێن مروڤان...
كورێ من...
تشتهكى بتنێ
د ڤى بواری ده،
ژ بهر بكه:
چونگى:
ئهو كهسێن شوله ژێ
نهشێن ئهڤان دێران
بخوينن.
****
ئاخ چهند ژ
گوتاران هاتينه خواندن
دژى دهستههلاتداران
ل ههمى وهلاتان...
دژى چهوساندنێ و
خيانهتا چينان...
دژى بهرپرسان
د ناڤ بيرۆكراتيێ ده...
دژى دهستههلات و هێزا قهشهیان،
كورێ من...
تشتهكى بتنێ
د ڤى بواری ده،
ژ بهر بكه :
چونگى دهستههلاتدار
ههرێ گوتاران د خوينن.
****
ئاخ چهند ژ
پاشدێر هاتينه ڤههاندن
ژبۆ رۆناهیيا ئازادییێ
ژبۆ شهرابا شرينا سهربهستيیێ
ژبۆ دهستێ مهردێ
دادوهرییێ...
ژبو يهكسانییێ
ل وهلاتى
كورێ من...
تشتهكى ب تنێ
د ڤى بواری ده،
ژ بهر بكه:
چونگى ههتا نوكه
چهك تهقهمهنى
دهێنه بكارهينان
ئاخ...
چهند ههولدان
مه دڤێن...
كو ئهم كارێ خو
بكن ؟!
ـــــــــــــــــــــــــــــــــــــــــــــــــ
ئێريك دێمێر
ـ ل سالا 1948 ێ ل ڤيننا جاڤێت خوه ڤهكرينه
ـ يانهكا مللى ل گهل هندهك ههڤالان دامهزرانديیه
ـ كاسێتهكا ههلبهستان ل ژێر ناڤێ"ههمى تشت ئێكجار جياوازن" ل سالا 1981 ێ جێكريه .
پرتووک
