|
گێرهارد فريتش
Gerhard Fritsch
وهرگێران ژ ئهلمانی: بهدهل رهڤو
1ـ رهخێن ڤيللا
شهمالكێن دارێن بهرى يا
هێدى .... هێدى
ل ئێڤاران دسوژن
و ژ پهنجهرێن كهڤن دا
جێدبو ...
ئاوازێن ( پيانو ) ى
ههلكهن بهرهف باغچهى
بهلێ ....!!!
تا پهردێن پهنجهرا ژى
نالڤلڤن ..
دار ئالينك ژى خوناڤێ دبارينيت
وگيا ژى دێ شين مينيت
گهلهك حهفتيا ..
پارچهك ژ بالولكا
گولێن نيسانوكا
هێدى .. هێدى دبريت
پفكهنه د پاشه روژێدا
سهرانسهرى تيرێن ديوارێن ئاسنى
ئهڤه ههمى تشته ..
چنگى ..
( شوپان ) ژ مێژه وێ مرى.
2 ـ تازى
ب درێژاهيا شهڤا خواتر خاستنێ
بابهليسك دعوريت
د گريێن دهرگههيدا ...
بهلێ ...!!
بنێره ..
بابهليسكێ دهرگههێن ئهسمانى
ڤهكرن ،
مينا دارێ سێ دارێ
چ جارا چيا وهكى نوكه
ژ مه نێزيك نه بوينه
ههر وهسا ستێر ههمى
چنگى زڤرين ئهوه
بو خودێ يه .
ئهو خودى يێ
نزا ژێ دكهين .
3 ـ (ههسپێ ئاشوپى)*
ههتا نوكه ..
ژ تاريستانا شهڤا دهێنن
ل پشت تاكێن دارا
ئهوێن مينا فوسفورى دبرسقن ،
وهره هێدى نك من
ئهى ههسپێ ئاشوپى
ژ ههيڤا .. مێ
ئهوا تو سوار
ژ ههيڤا ترسينوك
ئهوا هزار دهرزيكا
د پشتامندا د چقينيت
ژ دارا كاژێ .
چ مفايێ زانستێ ههيه
ههكه د ترسا بجويكاتى يێدا
وێنهكێ ( بوكلين )** تێدا ههبيتن
چ مفايێ گرنژينێ ههيه
ب روژ؟؟
دهمێ ب شهڤێ ژ تارى يێ دهێنن
ل پشت قورمێن
ههل وهكى فوسفورى.
د هێنه نك من
بێ ههست و هش
ههسپێ ئاشوپى.
(*) ههسپێ ئاشوپى : ههسپهكێ ئاشوپيه نك گهلهك مللهنێن
جيهانێ ههيه و نهمازه د ئهفسانێن يونانى دا ، وهك ههسپهكێ
ئاشهپى ل قهلهم ددان.
(**) بوكلين :وێنه كێشهكێ جيهانى يه بناڤ و دهنگه و كهڤالێن
وى ب ترس بون .
4 ـ بنڤه رهنگ
ئهو تشتێ ژ سهركهفتنێ
دمينيت ..
لێدانا زهنگايه ،
ژ توپ و زريپوشا
دهێنه خهلاندن .
دێر .. د رێزن ژ پاشڤهمايا
رێز .... رێزن .
چيروكهكه..
وێنهكێش ڤهدگێرن
و ئهوێ دمينيت
خوشيا سهركهفتنا
پشتى سهركهفتنێ
ئهو خوشيا :
ژ ئاسن و بهرا
يان ژى : وێنهك
چنكى بهلگهنامێن رحسفكى يێ
گهلهك كێمن
بهلێ پا ..!!
پرِ زهحمهتن
ل پاش خو دهێلن .
5 ـ شيانا داستانێ
د گهل ههر ئاڤاهيهكێ
خرابێ وى ئاڤا دكهين
ب دلهكێ خوش
بهلێ..!! ل سهر وى ئاڤاهى
دێ چكهين ؟؟
ئهم پێنڤى بانه كينه
مه دهست ههنه بو ئاڤاكرنێ ..
ودهف وليڤ بو سترانا ..
د گهل ههر ئاڤاهيهكێ
دێ ئاڤاهى يێ بورجا (بابل)
تافيل كهين ...
توبه كهين .
گێرهارد فريتش:
ــ ناڤبرى ل سالا 1924 ێ، ل ڤيننا هاتيه سهر دنيايێ.
ــ دڤان بوارادا كاركريه ( چيروك ، رومان ، ههلبهست )
ــ ههژمارهكا گوڤارا وهك ( توره و رهخنه ، وانهبێژ ،
وئهنتولوجيا وهك پرسيار و شێوه ) دهرێخستينه.
ــ ههژمارهكا كتێبا بهلافكرينه وژوان : رومانا كرنڤال 1967 ێ
جهركێ ئهجنا ( ههلبهست ـ 1958 ێ
رومانا رِويلێن ل سهر بهرا 1957 ێ
ههرِى وشێوه (ههلبهست 1955) ێ
ئهڤ تاريا دبێژنێ شهڤ ( ههلبهست 1955)ێ
ــ ل سالا 1978 ێ، بهرههمێن وى يێن ههلبهستى هاتينه كومكرن ل
گروبهكا هوزانيدا .
ــ گهلهك خهلات ب دهست خوڤه ئيناينه د رێبازا خوه يا توره
يێدا و دويماهيكترين خهلات ل سالا 1957 ێ وهرگرتيه ــ ل سالا
1967 ێ، ناڤبرى خو كوشتيه .
|
