|
بالۆرهیێن مری
دهم: ژ دهرڤهى دهمى
جهـ: پيشانگههـ
ل ژێر وى كهڤالێ دگێلهشوكا ههستێن من وهربووى
تو پهلاتينكهكا ژ رۆژێ بووى و ل سهر بهلگێ دلێ من تناز دكر
پهيڤێن ته يێن خهندقاندى
دسێدارهيا ديتنێن من يێن شهرمينوك دا
ماسيهكا ژ ئاڤێ ڤهدهرن
چاڤ ته ڤهددزن
جهستهيێ من پهلهكێ ساره
ب نهپهنى دههناسهيا تهدا دبته هلم
دخوه دا گورِيهكا شلم
من دئاوازێن خوه وهردكى
وههموو دبمه گوهـ
دبمه چاڤ
داڤ داڤ
دتهلها نێرينێن ته وهر دبم
جارێ خوه لهزگين نهكه، كهڤالێن پێتى دبێنا مێياتيێ دا راست و چهپ
سهمايێ دكن، فهستيڤالهكێ پێك دئينن و خوه درووبارێ پهيڤێن ته دا
تافيل دكن و ب شههمارێن پهرچهما ته ڤه خوه داڤكێش دكن. ئهو
چهند دسارن، ب تێكهلييا بشكورينا ته هند گهرم دبن. ئهو چهند متن،
دگهل لڤينا مژوولانكێن ته گازى ههڤدو دكن و دبێژن دههمبێزا ميرا
پهريان دا پاك هزر بكن، پاك بروينن.
تو چهندا ژ من دوور بووى
هندێ نێزيك بووم ژ ته
ل كنارێن وى كهڤالێ هه يێ تارى
جامهكێ ژ برينێن من داگره و ل زهڤييا سينگێ من بكه نوش
ئهزێ خهونهكێ دبينم
سمێن كمێدا مهمو دماسا ئهم خرڤهكرين دا، برينهكه
لهعلهيا دێمێ ته يێن نێرگزى، گرينهكه
لێڤێن ته يێن بشكورين ناسكرى، فرينهكه
دبێژن ژن ژانه و ژيانه، دبێژن ژن عشقه و ڤيانه، دبێژن ڤالا تييا
دلا دل دادگرن. تو ژى ژڤهدهريێ، دناڤ ئاسمانێ خوليكيێ رويێ من دا
نێرگزهكا نوو پشكهڤتى، ئهزێ كهڤتى چ ژ بێهنا ياسمينێ نا هلمژم، ب
رژم، دنێرينێن ته دا ببرژم، شويماتيێن من ههستهكا نه لڤن.
ژ وى كهڤالێ هه مهغول دزێن و قهلهرهشكێن تاريێ سيمايێ ژڤانهكێ
نه ل بال دكنه شلپه،
رهشه كوژى دوتمام ژ گڤاندێن برينێن مه دبنه تلپه
ماچ دبێ چێژن
دگاليسكێ دا ئهم نه روونشتينه و دناخا مهدا هێش سرپهسرپه
ل ژێر تێنا ههناسهيا ته
سێڤ من فشار ددن و
دگونهها من دا دبييه كوچكهكێ ڤهمرى
كهلهخێ من تهمهت خهمێن من گرانه
دهولهتهكم دسهكهراتێدا
تو حهز دكى مۆنۆپۆل بكى؟
خوه ب سهر ژانێن من دا خويل بكه
قاونا هزرێن من دناڤ بابهليسكا خوه دا ب پێچه
كۆسه ژ لوولهيا خێڤهبوونهكا مهستانه من گيرو بكه
كهڤال دگوهشينه
كمێد دهێن و كهعێل دهرباز دبن
كهزاخهكرنا كهزيكێن ته ب تهمبهليا من ڤه ناهێت
تو چ دهولهتا بێ تهلهگرافى
نهشێم تۆبه بكم و ل سنۆرێن ته ب نۆبه نهبم
نهشێم تۆبه بكم و شيرينييا بشكورينا ته ژبير بكم
دئهزهل دا ئهزو تو جێمك بووين
دئهزهل دا ئهزو تو موريدێن عشقهكا چيايى بووين
دئهزهل دا ئهزو تو بيژيێن هزرهكا خاپينوك بووين
دئهزهل دا دناڤ زولماتێن هات و باتێ دا دو پهپيكێن بێ تاوان بووين
دئهزهل دا مه عشق ناسكرييه و پێ بهند بووين
دئهزهل دا ئهختو بارى مه ناس نهكرييه و دپێ مهند بووين
چيرۆكهك دهاته گۆتن و مه ڤهدگێرا
دئاخويركێن كهڤنه هزرهكێ دا دنهنياس بووين
ساخهكێ تهرم،
ل گهل رۆژێ، ل گهل شهڤێ
ل گهل ههموو كێليكێن ژيانێ دخلوهييا چاڤێن تهدا نڤێژهكێ دكم
ئهها ژ وى كهڤالێ ههيێ بۆمبه
رهشكوژێن شهڤێن ئهنفالان دمژوولانكێن مهدا پێل دان
ل سهر بروويان خوه هێلاڤێتن و دگۆمبهداڤه ژنێن مه دبرى برن
ژوى كهڤالێ ههيێ قۆر دهمبێزا وى دا جوانى
ب گرژى ئهم ژێ بووينه
وهره ل نك من كۆمبه
ئاريانان بێژنك بكه و
فرفرۆكهكا ژرهنگێ نهخشهيێ پۆسيدهيێ ڤيانا من
دگهل حهزێن من
دگهل حهزێن خوه
دگهل حهزێن وهلاتهكێ بێ سنۆر
بكه نڤشتوك و بێژه
حهز ژته دكم
حهز ژ من بكه
ئهى جوانا ژ جوانيێ جوانتر
| 
