بهرههم - نڤیسار
سهبری سلێڤانی : رۆماننڤیس
گاڤا کو سیبهرا تشتان درێژ دبت ژ ته خهریبم. خهریبییا من ڤۆلکانهکه و ئهز ژی نهزانهکم، نزانم کهنگی و ل کویڤه دێ تهقیت. هناڤێن من وهک دارهناران دقرقچن. لهشێ من دبوهژت، ههست ب مرنا خوه دکم بهلێ بهری بمرم ل شوونا مهلکهمۆتێ مرنێ ههردوو چاڤێن ته یێن قهترانی دبینم و... دگرنژم. هینگێ ژ نوی دبم ئیماندار و دزانم عشق... ب تنێ ژ مرنێ مهزنتره. ب نازهلینی، ئابرویێن خوه دگههینی ههڤ، بێ کو من بترسینی، ب سهرێ لێڤان دگرنژی و دهستێ خوه بلند دکی. من هزر کر دێ بێژی: ب خاترا ته! ئهز نهزانهکم ل بهخت و بارێ کهیدێ ته ئهی شاها ژنێن ژیانێ، من نزانی دێ وی دهستێ بلند ب من ره گههینی، من ژ ئهڤێ شهڤا تژی بێکهسی قورتال کی، من نزانی وهکو جاران دێ مهرد بی و د شهمهندهفرا داوییێ ده و ل ئێستهگا داوییێ ده ل من راوهستی. ئاخ حهیران... سهرێ چهند سالانه ئهز – ل ته ناگهرم – بهلێ ل بهندا ته مه چونکی دزانم دێ هێی و من کاملانه کی. کا دهستێ ته... تژی با بکه، بۆ من بهنێره دا کو ئهز د کێفهراتا مرنێ ده ههناسهیێن خوه پێ تهر بکم، و جانێ خوه بدمه ته... ب تنێ ته. پرتوکا خوه ژی ئیمزا بکه، بۆ من بهنێره دا کو ئهز تژی وێ خهونا سپی بکم... سپی وهکو وان داڤێن پۆرا ته، سپی وهکو کراسێ بووکانییێ، سپی وهکو جگارا ته بهری کو ئاگر پێڤه بچت. دێ وهره و دهستێ خوه بۆ من ڤهکه، دا کو ئهز ته د همبێزێ خوه ده بمرینم یان ژی زندی بکم. ژ مێژا تو بێدهنگی، ژ مێژا ئهز بێدهنگم، بهلێ دهمه کو ههر پارجهیهک ژ ته بپهیڤین، ههر پهیڤهک کلیهلهکێ ڤهکت، ههر کلیلهک دهرگههێ ژ لهشێ من ل تاق بهێلت... پاشی پهلاتینکان ژ بێدهرا سینگێ من ڤێده، د ناڤا موویێن لهشێ من ده تبلێن خوه بکه کۆترێن گهرۆک و شهڤا من بکه شهڤا ئهسحابی و پێغهمبهران. هندی مویێن پۆرا من ماچان بده من. نا... نا، هندی مویێن پۆرێن ههمی ژنێن جیهانێ ماچان بده من، بده سینگێ من یێ بهردهلانی، بده چاڤێن من یێن قهترانی، بده هناڤێن من یێن چک، بده تبلێن من یێن قورمچی و ل داوییێ ب ماچهکێ من بکه تهرم ههتا کو دبیته سپێده و هینگێ ب ماچهکه دی من هشیار بکه. زالم... چهند جاران من گۆته ته: دلککۆکێ من نههێله! تو دوماهیک زهلامی د باوهرییا من ده، د عشقا من ده، د مهملهکهتا من ده، تو دوماهیک راستی ی د وهحدانییهتا من ده. گاڤا کو سیبهرا تشتان درێژ دبت، ئهز خوه دخهملینم بهلێ تو سینۆران دبهزینی و ل ناڤ برینێن من پیاسێ دکی؛ مینا سۆزانییهکێ ل شهقامهکه ڤالا خوه باددی. ههمی دنڤن، بهلێ برین من هشیار دبن، برین برین ته ناس دکن؛ برین برین گازندا ژ ته دکن. ئهز ب خوه ژی دبم برینهک د ناڤ خوه ده. تو، جوان دبی تو، جوانتر ببه بهلێ نهبه قاسدا خوهداوهندێ مرنێ د ناڤبهرا من و عشقهکه زندی ده. واخ... کارێ من بوویه ههژمارتن: وهلاتێن بیانیبوونێ، ئێستهگههێن بهندهمانێ، پایتهختێن لێگهریانێ، دارێن یهمانێ، مرنا خوه دهژمیرم... دهژمیرم ژیانێ: چهند وهلات من دیتن ههر وهلاتهک بوو دیرۆکهک و هێژ ئهز بێ ناسنامه مه هێژ دگهرم هێژ غهریبم... غهریب! چهند پایتهخت من دیتن ههر پایتهختهک بوو دهستهک و هێژ دهروێشهک دهربدهرم ب گۆپالی دگهرم هێژ غهریبم... غهریب چهند ئێستگههـ من دیتن ههر ئێستگهههک بوو خهونهک هێژ ئهز هشیارم دچم... دهێم و ل ئێستهگهها ته دگهرم هێژ موسافرم موسافرهکێ غریبم... غهریب چهند یار من دیتن ههر یارهک بوو دارهک ل بن سیبهرا وێ دنڤستم جار بێهنا ته، جار دهنگێ ته، جار سیها ته ئهز ل گهل خوه دبرم هێژ دگهرم هێژ دمرم. 6-10- 2007
پرتووک
