بهرههم - نڤیسار
پرسگرێکێن رهوشهنبیرێ کورد
زمانێ مه بهشهکه ژ تراژیدییا مه
پارادۆکس
خواندنهک بۆ رۆمانێ ل دهڤهرا بههدینان
گاڤا کو سیبهرا تشتان درێژ دبت
سهبری سلێڤانی : رۆماننڤیس
پارادۆکس
( 1 )
سهرێ خوه بلند کر، باسکێن خوه داڤهزلاندن، بۆ جارا دوماهییێ ل خوه زڤری بهری کو بهر ب تاڤسۆرکێ بفڕت، بهلێ نه رۆژ ئاڤا بوو نه ژی ئهو غهواره بوو.
( 2 )
ئهوی گۆت: " ئهز حهزناکم بهلێ دشێم".
ته گۆت: " ئهز حهزدکم بهلێ نهشێم".
من گۆت: " ئهز حهزدکم و دشێم".
دهنگهک نهپهنی گۆت: " هوون ههمووو درهوان دکن".
( 3 )
ههردوویان دگۆت ههگهر کوڕ بیت ئهم دێ ناڤێ وی بکن" جزیری" و ههگهر کچ بیت دێ بکن"ئیلیتا" بهلێ ژ نشکهکێ ڤه زهنگێ تهلهفۆنێ لێدا و تهحسین تاهایی گۆت" تۆ خهون بوویی ههمی گاڤا....... نه تۆ بوویی بووک نه ئهز زاڤا".
( 4 )
ته گۆت: ئهز حهز ژ ته دکم! من باوهر دکر.
ته گۆت: ئهز حهز ژ ته ناکم! دیسان من باوهر کر، چونکی د ههردوو حالهتان ده من ههست پێ کر.
( 5 )
دگۆت ئهز دێ ههموو تشتان بگۆری ته بکم. هیشتا سال ب داوی نههاتی، ئهز بگۆری چونه کرم.
( 6 )
ئهم ههردوو بهرزه ببوون. من تۆ دیتی بهلێ ته ئهز نهدیتم.
( 7 )
مادهم ته دڤییا بزڤری، چما ته ههموو پر ل دویڤ خوه ههرفاندن و ل دوماهییێ ته گۆته من: وهره ببه پرهک دا بزڤرم.
( 8 )
دبت کو ئهز ببم بازرگان. بهلێ ئهز نه دبم ههلبهستڤان نه ژی رۆماننڤیس، چونکی جارهکێ د عهمرێ خوه ده، من درهو ل خوه کر.
( 9 )
ته دگۆت: ئهز نه دترسم نهژی شهرم دکم! پا چما تۆ چیپلاق تازی رهڤیایی؟
( 10 )
ته دگۆت: ههگهر تۆ بچی مهریخێ ژی، موویهکێ ب تنێ ژی ژ پۆرا من دویرناکهڤهی. نها، پشتی ته پۆرا خوه قوساندی، چ مایه تۆ ببێژی؟
( 11 )
ئهم کهڤتن... ئهم رابوون... ئهم فڕین... ئهم گرین... چونکی مه بریار دابوو ههموو تشتان پێکڤه بکن. بهلێ نۆکه ههر ئێک ژ مه بۆ خوه دکهڤت، رادبت، دفڕت و دگریت. چونکی هینگێ ئهم ئێک بوون بهلێ نۆکه ئهم دوو نه.
( 12 )
من ب سهرێ ته سویند دخوار. پشتی ته ئهز نیاسیم ئێدی تۆ سویند ناخوی.
( 13 )
گهردهنا ته ئازا بت چونکی گونهها من ب خوه بوو.
( 14 )
ته دگۆت: " بهری بچی بزڤره!"
ئهز زڤریم بهلێ تۆ چوویی.
( 15 )
تاریستان بوو. من چرایهک هلکر بهلێ تۆ بهنژی.
( 16 )
تۆ کولبهیی بوویی. ته دگۆت بهتالی ناقهدیت. بهلێ چاوا بۆ ته قهدیا تۆ حهمهر بوویی.
( 17 )
ته دگۆت من: " تۆ خوهداوندێ منی!"
چاوا ئهز گرنژیم، ته گۆت : " تۆ مهغرۆری!".
( 18 )
تۆ دایک، خوشک، یار، کچ، ژن، شههوهت، قهسیده، دل، هزر، روح، جهـ و زهمان بوویی. بهلێ پشتی مرنا ته، چما کهسهک نههات بههییا من؟
( 19 )
دارا مه، دهشتا مه، باژارێ مه. ههرسێ وهک خوه مان. بهلێ " مه " نهما.
( 20 )
ته دگۆت: " بێ من نهفڕه، نهمره" من چهنگێن خوه شکاندن، من کفنێ خوه فرۆت. ژ هینگێ وهره بێ من تۆ دفڕی، بێ من تۆ دمری.
(21)
هندی هند تۆ مهزن بوویی ته ئهز کربووم پشتا خوه.
من دگۆت: "من بگره، نههێله ئهز بکهڤم!"
ته دگۆت: "چونکی ئهز چاڤێن ته نابینم لهورا پشتا من دئێشت!".
پرتووک
1. ئاڤامهزن کێلیکا کو ماسییێن خوه تێهنی دهێلت ( رۆمان 2004 سلێمانی)
2. بیست سال و ئێڤارهک ( رۆمان 2005 دهۆک )
3. مریهما - کچهژنهک ژ زهمانهک دی ( رۆمان 2007 دهۆک)
4. پایزا پهیڤان ( گۆتارێن هزری و رهخنهیی 2007 دهۆک )
