|
.JPG)
چهند هايكو *
(1) دهمامك
وێ گوت:ئهز بۆ ته دژيم.
وى گوت:ئهز بۆ ته دمرم.
لێ ههردوو ب دهمامك بوون!
( 2) زۆزان
بايێ زۆزانا هات..
دل هين كرن،
زۆزان بخۆ هات..
دل دين كرن.
(3) هاتن
دهما رۆژ ههلاتى..
تارى رهڤى،
دهما تۆ هاتى..
حهليان كهڤى
شين بوون زهڤى
گهش بوون هيڤى.
(4) لێڤێن ته
ئاگرن..پهلن،
ههردهم دهلن.
(5) دهنگ
من دڤێت ب دهنگێ ته..
خۆ تافيل بكهم،
برينێن خۆ ژى..
ب سويره روندكێن ته
تيمار بكهم.
(6) دويرى
تيروژكێن رۆژێ و..
مژيلانكێن ته
من گهرم دكهن،
لێ ههردوو ددويرن.
(7) تــا
ئهوا من دڤێت..
تــايهك گرانه،
تــاكهكه ژ نيرگزێ،
تــا ههمه ..ههر بۆ وێ مه.
(8) ڤيان
مه ههڤ ڤيا..
رۆژگار بێ دهنگ ما.
مه ههڤ هێلا..
رۆژگار بێ دهنگ ما.
(9) سهرخوشى
ب نازكى يا خۆ سهرخوش كرم،
دهما هشيار بووم..
ب شيرينى يا خۆ سهرخوش كرم.
(10) عاشق
دوو بلبلان دخاند،
دوو عاشقان..
لبهررِا سهمــا دكر.
(11) بهوژتن
ب ههڤرِا دبهوژتن،
بهرهف وهغهرهكا بێ زێرهڤان دچوون،
ههرۆژ دبهوژن و دچن.
(12) سهمــا
ل گهرما سهمايێ،
دلێ من..
بلبلهكێ بێ جه و شهپرزه بوو،
نێرِينا ته هيڤى و هێلين دانێ.
(13) ترس
ترسا ته..
درهوێن ته رويس دكهت،
ئهڤينا ته ژى..
ياريهكا زاروكايه.
(14) تــۆ
راسته تۆ تهڤ ههست و دلسۆزى،
لێ ههستێن ته نه ددلسۆزن..
دلسۆزى يا ته ژى يا بێ ههسته.
(15) ژڤــان
پهيڤێن ته..
ئهز ب ههلاويستى هێلا بووم،
جهژن هات و بورى..
ته سلاڤ ژى نهكر.
*:هايكو Haiku دبنهرهت دا پهيڤهكا چاپانى
يه.. مهبهست ژێ كورته ههلبهسته يان پوستهره
ههلبهست.. هايكو يا چاپانى ياسا و ريتم و
سيمايێن خۆ يێن نهمازه ههنه وب وێنهيێن لسهر هزر و سۆزان هاتينه
ئاڤاكرن،دهێته نڤيسين. هايكو ب ههلبهستهك ساده و نازك دهێته ناسين، و
فهرههنگا خۆزايى دپهيڤێن وێ دا يا زاله و ل
پرِانییا ئاوايێن خۆ
دا ژ(3-4) رێزان دهرباز نابيت.
| 
