|
.JPG)
نڤێژا وێرهكيێ
ههر ژ چاخێ..
داستانا كهلها دمدم ژبۆ ههژاران بوويه نان و..
باپيرێن مه بسهر ههڤسويێن مه پارڤهكرى
پهيڤێن مه دگهل باى دفرِن
گازيێن مه دگوهێن جيهانێ دا ..
كانيكێن بوهارانه
ئومێدێن مه ئهڤرێن هاڤينانه
نهخشهيێن مه وهريانا بهلگێن پاييزانه
ههلوێستێن مه بێ دهنگى و سههما زڤستانانه.
ههر ل وى چاخى وهره..
ئێڤاريێن مه دئاسويا ئاشتيێ دا دسورن
سپێدههيێن مه دمژا ههر جار دا خۆ ڤهدشێرن .
گهلو گهر ئهم وێرهكيێ نهدهينه..
ڤى گيانێ ب "ها ئهڤرۆ نه سوبههى" بوياخ بووى..
دێ بينه "ههسپێ تهروادا".
گهر ئهم پهيامێن ههستييان..
ژ ئاخێ ب پرِسين
دێ د دوكێلا جگارا رِا
باپيرێن مه دهركهڤن قهردار.
گهر ئهم ب ئازايى..
د ئاڤ و ئاگران دا دهرباز نهبين
دێ ژ ههردوويان زرِبههربين
ل وى چاخى..
گرى ژى د ههوارا مه ناهێت
دوهى و ئهڤرۆ يا مه ژى..
دێ خۆ دگهورى يا گورگێ تهورِانى دا بينيت.
سوبههى يا مه د زكماك دا..
دێ يا ب ئيفليج بيت
مه بتنێ دێ وهريسهك گهرهك بيت
دا هزرێن دوژمن سههمێ ژێ دكهن..
پێ ب ههلاويسين.
گهلو..
گهر ئهم د بهندا خۆزيان دا بمينين
دا تێهنێ بدهنه دل سارى يا مه
دا پێلێن دهريايان بهنج بكهن
دێ ههر لێڤێن خۆ گهزين
خۆزى تهڤ دبێ تامن
ئهزمانێ مه نا ئازرينن!
سهمايا ئهڤرۆ..
لبهر ئاوازێن چڤێلێن وان ناهێته كرن
سترانێن وان گوڤهندێن مه ناشارينن
ئهرێ ما شورهش..
ب ئاڤا گولا ئاگرێ بهرخۆدانێ د ئارينن؟
ئهرێ ما نڤستى ههستێ ب مارا دكهن..
دهما د دهلنگێن وان دا..
هێلينان چێدكهن
ئالايان ههلددهن
تهناهيێ دبينن!
گهلو..
مه نه ههڤالێن شاديێ ههنه
نه يێن شينيێ
بلا ههر گرنژينان لسهر لێڤێن خۆ نيگار كهين
بلا ههر شهمالكێن مه ب بێهنژينا مه ب ڤهمريێن
بلا مه بهر ب سهرێن كهسێ ژى وهرنهكربن.
نێ هندى رويێن مه ب خهش بن
هندى ديكلێن مه د دوو دل بن
حيسابان ژ بۆ غهييدينا روڤيان بكهن و..
بۆ بانگێ نڤێژا وێرهكێ نهخوينين,
هندى ديموكراسى..
رههێن خۆ مينا بلندبوونا دارێن مێواترى دابهێليت
هندى ئهم چاڤێن خۆ..
ژ يێن برايێن خۆ روهنتر بزانين
دێ د ديروكا سوبههى ژى دا..
مه مايكر و سهر بۆر ههبن
دێ مه ههر سهرێن كهڤن ههبن
دێ مه ههر لهشێن ژ خۆ رازى ههبن
دێ ههر ب مهستى..
نڤێژا زهردهشتى كال..
لسهر وارگههێن خۆ كهين.
|
