|
تێکستهک نزانم چی یه!
سۆرگول
ل بيابانهك هشك و زوها
ناهێن ديتن
من نهديتيه دهست ژ سينگان و
مهى ژ لێڤان،
بێ بههر ببن!
ب شهڤ، من گول چاندن
ب رۆژ شوونا پيان تنێ دهات ديتن
ياريكێن زارۆيان
يێن پهقيشكێن ژ سابۆنێ چێكرين و
پێ دفرن جيهانهك دن
هورهبايان ئهو خهونێن وان ژى
نيڤى هشتن
ما چاوان كزگريووك نهكهڤيت حهفكا من؟
ما بوچى ل سهمتا وه بهێم؟
نه ماچ...
نه سينگ...
نه ئاڤا كانيان...
نه ياريكێن زارۆكينیێ...
نه ژى مارشێن تلان،
هێلان ئهم زيندى بژين
دخوهديێ خوهدا ئهم وندا بوونه
پۆر سپى و
لاش وهستياى و
دل ب ئێش و ژان و
نهمانا فهرههنگا پهيڤان
دا كو رستهك نوو
بئافرينم ،كو هێشتا وه نه بهيستبت
نه پهخشان بيت
نه ههلبهست بيت
نه رۆمان بيت
تێكستهكه ژ خاندنگهههك نوو
پهيامهك بيت
نهدبيت نووچه
نه دهنگوباس
نه ژى گۆتار
من چ دڤێتن؟ ئهز نزانم!
وه چ ديتيه كو هوين ژێههل ل ئاسمانان بنێرن؟!
هوین نزانن!
لێ چ دهمێ،
من زانى چاوان گول بنپێ بوون
وه ژى زانى هوین ل چ دنێرن
وه چ دڤێت؟
هينگێ،
دێ دهست ژ چيا بهردهم و
بهر ب دهشتهكا بێ وهفا و غهدار
دهمه رێ!
| 
