|
شهڤهک نه وهک چو شهڤان
ل من ببوره...
گهر شهڤ درهنگ بيت و...
گهفێن ترسێ ل مه بكهت
ئهز و تو ل باژێرهكێ باژێر...
ل جادهيێن تارى
وهك دو فريشتان
كهتينه رێيا ئومێدهكا كهس نهنياس و
پهيامهكا تژى شكهستن!
سهيره... سهيره
فريشته ل نيڤ شهڤان
ل هيڤيان بگهرن!
سهيره... سهيره
دهم بهێته خاپاندن و...
شهڤ چرايا بڤهمرينن
دێ وهره دێ
ڤێجارێ...
پرچا خو يا ژ پێلێن ئاڤێ چێبووى
روندكێن خوه...
يێن ژ ئهورێن بوهاران هاتينه دزين...
دهستێن خوه...
يێن هێشتا دههمبێزا چ دهستاندا نههاتينه نڤاندن
نێزيكى من بكهو بو من بده ناسكرن
دا ئهز ژى
ل بن روشنايا پهيڤێن ته
رومانا چوچكێن ل پايتهختا دگهرن
بنڤيسم...
دا ئێكهم دانه بو ته بكهم ديارى
وهره دباوهشا من دا و نێزيك ببه
گوهێ خو بكه ددهڤێ من دا
ئێكهم روژا من تو ناسكرى
نهێنيێن سهرو چاڤێن ته دپربون
من بهرسڤا وان ههبو...
لێ د وێرهكيا من دا نهبوو
پرسان بكهم...
ئهڤه سهرهاتى...
ئهڤه قهلهم
فهرمو ته چ ههيه بنڤێسى!
ژ دهست نهده وان پهيڤێن هێش د چ فهرههنگان دا
نههاتينه ناسكرن
بهێله بێدهنگى دبێدهنگيێ دا ببيت گازى...
بهێله دهنگێ شهڤێ دوور بچيت
دگهل دوراتيا دهنگان
ئهز و تو ژى ببين سوبهيهكا زيز و دامایى
بكهڤه رێ!
دا رێکا كادزان ژبيرا ته نهچيت
دا گهلاڤێژێ ب پيروزى بزانى
دا ئهدرێسێ
ئيمێلا منا سپێل بهرزه
ل سهر پێلێن ئهورێن ژى كورت و
تاڤيێن بارانێن بوهارى
ژ تهڤ عاشقان را بكى ديارى
سلام بالايى
سليمانى
مهها 11 /2005
| 
