سه‌لام بالایی ( هه‌لبه‌ستڤان )

که‌نگی بهێم؟

ب تنێ مایمه‌
د وی ده‌می ده‌،
دخوازم گوهدارییا ده‌نگێ ته‌ بکم
تۆ عاشقا خه‌وێ یی
خه‌و ب عشقا ته‌،
خه‌و ب عشقا ته‌
سه‌مایێ ل سه‌ر
له‌شێن بێ ئاگه‌هـ و ژبیرچوویی دکت
من بنیاسه‌!
دا ته‌ ژ خه‌وێ هشیار بکم
تۆ و خه‌و هه‌ڤدوو نانیاسن
بۆ من بێژه‌ کێ تۆ فێرکری،
چاوان دێ به‌رسڤا من دی؟
د هشیارییێ ده‌،
هه‌رتشت ل نک ته‌ خاپاندنه‌
د خه‌و ده‌ ژی، ته‌ های ژ من نینه‌
بۆ من بێژه‌ چ ده‌م بهێم
دا ئه‌ز و تۆ ل ئێکدوو بگه‌رن
جاره‌کێ ب تنێ،
من د فه‌رهه‌نگا خوه‌ ده‌ بحه‌وینه‌
دا ل سپیده‌یه‌ک زوو،
ئه‌ز و تۆ
ل سه‌ر ئێک سفره‌ بروینن و
ئه‌ز گوهدارییا ته‌ بکم
و تۆ...
خه‌ونا خوه‌ بۆ من ڤه‌گێری.