|
حهزکرنا من
حهزكرنا من
ئهز ژ وه ههميان حهز دكهم!
لێ ههر جارێ ئێك ژ وه يێ بهرزه دبيت ،ئهز ژى ههر يێ د لێگهريانێ
دا.
ئهز خهريب بومه، وهرن ب ههڤ ره دههمبێزا مندا!
هوون من ب رهنگهكێ كرێت دبينن
ئهز وه ب چاڤێن دلوڤانى تهماشه دكهم، دبه ل سهر من گران
راوهستيت لێ ئهڤه ئهزم يێ كو دوهى من خوه ژ كهڤلوژانكێ بێهودهى
دهرخستى و كهڤتيمه دفهرههنگا روژانێن باخچێ نڤيسهران ده، ئهوێ
وهك من ژنوى سهر هلددهت ...!
ب تهخمينا وه ئهز مري مه!
ب ديتنا چاڤێن ب گومان ئهز ماندى بوومه
ب راكرنا پيلا و چاڤهريێا پهركان
بويمه مروڤهك ترساندى
ئهڤه ئهزم
كانێ هوون دا ل سهر مێزان
ههمى راستيان بكهين مزه،كو
ب سهروچاڤێن بێگونههـ ژى
پێكێن خوه راكهين و پێكڤه بێژين
نوشى جان بيت...!
ژ وێ مهيێ ب دهربازبوونا دهمى
روندك بێنه خوار...
ژيان بوهارهك خهملاندى يه و ئهز حهز ژ پايزان دكهم
با ههر تشتێ سڤك و ساده دگهل خو دبهت و گهلهك ددويف ره
دبهزن...
دار بهلگێن خو يێن بهرهڤ مرنێ دچن، ناحهوينن!
دوهرينن...
لێ ديسان ل ئهردى ژيانهك نوى ددهت رهـ و ريشالان
زارۆكان ژى كهيف پێ دهێت
دبيته خوارنهكا ئاسان ژى بو گيانداران
ئهز وه دحهوينم
بلا پاييزان ژمن بدزن
بلا ل جڤاتان بێ وژدان بن
من پێ خوشه هوون تێر بكهنن
دا كهنى ژى وهك خو نهمينيت
ئهوژى بكهڤيت دگومانێ ده
راكرن،
روونشتن،
چون...،
كهنى...گرى
دهستقوتان
رێڤهچون،
ههر تشت ئيرو ل دهڤ وه گومانه كهس يێ دى ناحهوينيت
دهستێن درێژ،
ئهزمانێن درێژ،
روينشتنێن درێژ
يێن بوينه سهوداسهریيهكا گران بۆ من،
كيڤه بچم؟ ئهز نزانم!
بو كێ نوترين نڤيسا خو بخوينم؟ ئهز نزانم!
ئهڤ شهڤه چ ڤهخوم
چ بخوم
دگهل كێ روينم؟ ديسان ئهز نزانم!
من ئاڤ ژ چو كانيان ژى نهڤهخواره دا بهران تێوهركهم
د برێڤهچوونێ ده بهر ب من دكهڤن!
سهرئهڤراز بهرێ خوددهم، باران ناهێليت ل ئاسمانان بنێرم
چو سيڤانده ژى نينن خو بدهم بهر
ساكويێ من ژى وهكه يێ "گوگول" ی هاتيه دزين
ههمى مانديبوونا من ب ئاڤێ ده چو...
تنێ من ژۆرهكا مايى...
تنێ من قهلهمهك مايه...
تنێ من چهند دهمژمێرێن نڤستنێ مانه...
دا ڤان سالێن مايى
بكهم سهرهاتيیهك
كو چو جاران ژبير نهكهم و
ئێدى ئهز ژى ببم خودان پاسپورت و
ئوقيانووس و دهريان ببرم
دا ل ڤهگهرێ ب نامهك ڤهكرى
ئهڤى خهلكى ههميێ بدهم ناسين و
ئهز ژى ئێدى،
ل ههمى جڤاتان نهرونم!
| 
