سه‌لام بالایی ( هه‌لبه‌ستڤان )

من كاميره‌ك هه‌بوو
زوما من يا وه‌ستياى
دچانتێ بيرهاتناندا
هاته‌ شكاندن...
چ ديمه‌ن نه‌بوون ب وێ نه‌هاتينه‌ گرتن
رامانا تابلويێن بێ رامان
د سيما و ره‌نگێن وێدا دبوونه‌ مه‌زنترين رامان
ب سه‌خبێريێ ژ هه‌ميان جودا بووى
ب حێبه‌تى تو دهاتى ناسكرن
تو مێژوويه‌ك نه‌نڤسيبووى
ئه‌لبومه‌ك...
پرى تراژيديا!
وێنه‌ك ...
ژ قه‌ده‌را كوردا
روپه‌له‌ك ب ده‌ستێن پيروز هاتيه‌ نڤێسين
گه‌ريانه‌ك ل هه‌مى تشتێن به‌رزه‌
چاڤه‌رێيه‌ك كو هه‌ر تشت ببت قوربان
تنێ يێ مزگينيا هاتنێ دده‌ت يارێ
(هاى لمنێ وه‌لات..وه‌لات
هه‌چيێ بێت من لاوێ ته‌ هات
ئه‌زدێ ده‌مێ روى مزگينى مه‌مك خه‌لات)
ئو ئه‌ز ژى خه‌لكينو
لبه‌ندا نگتيفێ
وێنێن كاميرا خومه‌
ياكو ب ئاشكرايى ژمن هاتيه‌ دزين
ما ژ تاقيكرنێ نه‌ده‌ركه‌فت
من گوهـ ڤه‌چنين .
چ گولێ نه‌بو...
ئه‌زێ هاتيم دا ئێدى نه‌هێم
ببورن چانتێ من ب هه‌مى نهێنيڤه‌
بده‌ن ده‌ستێن من!
دا ئه‌زو هوين و گومان
ژ هه‌ڤ ڤه‌بين....
دا ئێدى ل رێڤه‌چونێ ئه‌ز ژى بزانم
تو كه‌س لپشت من ناهێن
په‌يڤا ژمن ب دزن و ب ئه‌لهوى وه‌كه‌ چويچكان
من و سه‌ربورا من بترسينن