بهرههم - نڤیسار
تریفه دۆسکی ( ههلبهستڤان )
دهمسالێن ئاڤێ سال چوو، دهرباز بوو، وهرز جهنتكێن خوه لێك ددن . تژى باران, تژى گهرماتى، تژی هناسه و روندك دكن, تژى گاڤێن هشك و هناسێن ماندى و خهون، ئهو پايزا هورهبايهكێ خهونێن من برين ، هورهبايهك شێت، بهلگ د جادهیێ وهركرن و ئهز وهك سهماكهرهك بهلگان دگرم و ل دانگا خوه ڤهدشێرم. ب لهپێن خوه، توند دگرم، بارۆڤه توندتر دبيت... خهون، وهكو بالندهیان دفرن سالهك چوو، تێر خهون من نهديتن تێر شعر من نهنڤيسين تێر د لاپهرێن هناسا خوه دا نهگهريام دا هناسهكا ته ببينم تێر دخيچكێن دهستين ته دا نه نڤستم ئهڤ سال، ئهز وندا بووم د روحا شلێرهكێ دا ئهڤ سال، وهك ژنهكا شووشهیی، رووهن بووم حهقيقهت دناڤ من دا ب رووتى هاتن دهر ب تنێ ئهز نهبم، ژناڤ خوه دا دهرنهكهتم... سالێ... ته نهشيا خهريبيا من ههمبێز بكی ته نهشيا ههمو شعرێن بێ شهرم شرۆڤه بكی, وهك ساويلكهكا خهو ب دانگا ئهسمانى ڤه دگرى، ته دڤێت بچى ههر تشتى بهێلى! نيڤهرو... چهند شعر ل بهر دهرگههێ روژێن ته مانه ههلاويستى؟ چهند ژن ل بن تاريستانا شهڤێن ته وهك كهلهخێن مريیان هاتنه كرێنكرن؟ چهند ژن ل بن رۆژا تهيا گهنى، مهمكێن وان، كرمان خوارن و دهستهك نهبوو ڤهشێريت؟ چهند ژن ل بن كهپركوكێن ته يێن بوهارى ماچ ب ههروه دانه بایی، و ب ئاڤێ هاتنه تيرۆركرن؟ چهند... چهند چهند روژێن ته سهخت بوون وهك ساتێن ڤهقهتيانێ؟ چهند سالهكا دلرهق بوویی، چاوان دلێ دوعايێ د لهپێن بوهارێ دا ته ديت وبێ دهنگ مایی؟ چاوان دلێ ته هات من بهرزه كهى و ب خافلهتى شعرێن من تێك دشێلى؟ ئهییییی سال... چ ب ههلكهڤتا چوونا ته بدهمه ته؟! ماچهكێ ل رومهتێ وهرزان بكهم، يان گولهكێ بدهمه بارانێ؟ بهلێ چ بدهمه ته... تو نه زهلامێ ههلكهڤتنانى، دا د ههلكهڤتنان دا بيريا ته بكهم... چ بۆ ته بكهم ديارى؟ سهبهتكا خهونان، يان ياريكهك ژ ياريكێن ته ب زارۆكينى داينه من؟ تو دزانى حهزدكهم رۆژا يهكێ چ بكهم؟... وهك جاران، فروكهكا كاغهزى پێكڤه ل سهربانى بفرينين و ل جادان: غاردهين، بكهنين، بگرين، روينين، بسترینن و پشتا خوه بدهينه چنارۆكهكا جادهیێ و هناسا خو تێر ههلكيشين و ب ن ڤ ی ن. 12/12/2007
پرتووک
نووسین ل سهر روحت