|
حهيران..
كا دێ
ههره بهندهكا دى؟!
حهيران. ئهڤا ته دگوت مه ژى دزانى، مه ژى ههر ئهو دگوت! ههر گاڤا ل
دهف مه رونشتباى، ته گوهێن مه ب حهيرانان نهرم دكرن... چاڤێن مه
وهك حاجی
رهشكان دفرين، وهك رێڤينگهكێ ل سيبهرا خوه گهريايى و ژ وهريانا
بهلگێن پايزان تێر نهبوى...
حهيران. ماته نه لبير بو، ته جارنا ئهم ژ روژێ ڤه د دزين و ب
شهفهقا روژێ ڤه دهێلاينه هلاويستى، دا ئهم رێكا خوه هندا و
بهرزهنهكهين! ته دهلێلى دكره دهو. ته نه لبير بو، حهيرانێن ته
بهرمهمكێن كچ و كورێن تژى شير دكرن! يان بينمه بيرا ته، چاوان دار كاژ
ههمى فێرى گونههان ببون. ته چهند كلچافك د حهيرانێن خوه هلاندينه و
چاڤێن عاشقێن خوه رهشكرينه! تو دزانى حهيران، لبهر سيبهرا وان
داركاژان چ داستانێن عهشقێ چێدبون، لبهر دهنگێ حهيرانێن ته دامانێ ب
ماچاو پهيڤان دهاتهكرن...
خوزى
ژ خێرهكا خودێ را حهيرانا ڤێجارێ ژى ته بو مه دگوت، عاشق را كربانه
سهر پيا.. ههكو شلقاڤ ب لول و مهرجانێن ل سهر سينگێ وێ دكهفتن، منێ
عاشق وهكى چنارهكا كهتيه بهر پێلێن باى و پايزێ ببێ شهرمى بخو ياری
بسهرێ شاكێن وێ دكرن...
حهيران ب قولپينه و ڤێجارێ ههره لێ لێ؟ دياره ته نهزانى يه كليكێن
كومپيوتهران، حهيرانێن ته كرينه دهلێلى دهو و پشتى ماچێن تلستاران
كهس ب دهستێن ته ڤه ئێدى ماچى ناكهت.
ئهز
دێ ڤێجارێ ژى نهێنى يهكا دى بو ته بێژم حهيران، ههر ژ فێربونا گرێدانا
شيتكێ و تا خهباتا چول و چيا و هلگرتنا برنويێ، تا دگههيه روتبهيێن
حكومهتبونێ! چاوان ئهڤ روتبێن هه پشتى ههمى قوناغ بوراندين و سهنگهر
شهقاندين، شوينا ئهوا دبێنێ (بويانباغ) ل سهر قهميسى گرێدهت، ل قنينێ
غازێ و دولكێ گازێ هلنگفت!
دلێ
خوه نههێله حهيران.. دبێژن يێ قهست كهته ماسيا دێ تهر بيت، سهد
جار ئهلحهمدوليلاهـ ئهم ژ ترسا بهعسيا قورتال بوين و چاوان ههكو ئهم
دگههشتينه سهيتهرا، دا بيته پف پفا مه و دههـ جاركى و بيست جاركى
مه ئايهتولكورسى و ئهلحهمدو بخوه ڤه دخاندن، يان ههكو مه پياسه ل
جادهكێ ژى كربان، بلا ناسنامێن مه د دروستبان و ههوى يێن مه دبهريكا
مه دابان، ههر گاڤا مه ئێكێ سمبێل بوقێ ئهمنێ يان رهفيقهك ديتبا، دبو
رهپێنا دلێ مه و سهرێن رێكا لمه بهرزهدبون...
حهيران، دێ بو ته بێژمه ڤه جارهكا دژى ئهلحهمدوليلاه، ئهنفال و
كيميا باران ژى نهمان، نه كهس گوندا كاڤل دكهت و كهس زهلامێن مه
بهرزهناكهت، نه جهيش ئهلشهعبى، نه عهسكهرى، نه چهتاتى. ما چ
قوسيرى يه، ههمى يێن گورى خالێ بوش بوين..
بهس،
بتنێ پيچهكێ حهيران، ته تبلا خوه ل رهخێ قاونى دابا و پيچهك زڤراند
با! شوينا تو باژێرى خرێ داگير بكهى و بهريكێن ته تژى دولار، خوه ب
تهلارێن خوه مهزن بكهى. جهێ گيتهخانيهكى ته لسهر ناڤێ من ژى تاپو
كربا يان وهكى ههميا ته بو من ژى چێكربا! دا من ژى تاويك دابانه
حهيرانێ خوه و من ژى گوتبايێ سهد جارا ژ تهرا تاووووو.
| 
