عه‌بدولره‌حمان بامه‌رنی ( هه‌لبه‌ستڤان )

شه‌ڤه‌كا پايزى

ل ئێڤاريه‌كا خه‌موكى

عه‌ور دگه‌ريان..

بايى رادهێلا عه‌ورا و ئه‌ز ل سيبه‌را خوه‌ دگه‌ريام!

ته‌مبه‌لته‌رين گه‌روك

سيبه‌را من باى دبر و

باى دگه‌ل خوه‌ هه‌مى تشت رادكرن

رادهێلا به‌لگا و دار رويس دكرن

بايه‌كێ بێ ره‌حمێ ب گڤه‌ گڤ

به‌رپه‌رێن من

 پێك د دادان

په‌يڤێن من دگه‌وريا مندا ئاسێ دكرن..

هشكه‌ قه‌له‌مه‌كێ كه‌تيه‌ به‌ر پێلێن پايزه‌كا بێ ره‌حم و

حبر تێدا زوها بوى

نه‌ به‌ره‌ڤانى ژ په‌يڤێن من دكر و ل سيبه‌را من د گه‌ريا

نه‌ پايز دكره‌ وه‌رزێ عه‌شقێ و

چ به‌لگێ ب تاكه‌كى ژى ڤه‌دما

 د وه‌ريا..

دگه‌ل دوماهى هه‌ناسه‌

دوماهى نڤيسين و دوماهى عه‌شق

د بومه‌ گه‌روك و ل سيبه‌را خوه‌ دگه‌ريام

بروژى يێ

 نڤيسينا شيعران بوم

بروژى يێ، عه‌شقێ!

شيعر و عه‌شق و شێتاتى

ب تبلێن ئه‌هريمه‌نێ عه‌شقێ من دنڤيسا

من دوماهيك وه‌رز بو عه‌شقا خوه‌

بره‌نگێن ڤه‌بويى

دوماهيك هێما بو نڤيسينێن خوه‌

به‌لگێن زه‌ربويى

دوماهيك ره‌نگ

به‌رى بهێته‌ شێلى كرن

دوماهيك به‌لگ

كه‌تيه‌ به‌ر پێلێن بايێ پايزه‌كا رويس

پايزه‌كا ژ رويساتيێ تێر نه‌بوى

شعر رويس كرين

دار رويس كرين

شعر فێرى ماچا و ره‌نگان كرين

من هه‌مى كرنه‌ دپێكى دا و

دگه‌ل پيربونا ره‌نگان

شكاندنا روژييان

هه‌ميا پێكێ خوه‌ لپێكێ من ددا و

دگوتن بو پيربونا ره‌نگان

نوووووش...