بهرههم - نڤیسار
مهسعوود خهلهف ( ههلبهستڤان )
ل سهر پێلێن بێ وهلات من جارهكه دن ناڤێ ته نڤیساند ل سهر پێلێن بێدهنگ جارهكه دن من ب تهنێ پیاسه دكر جارهكه دن حهزكرنا ته، ب تهنێ پیاسه دكر پیاسه ل سهر پیاسهیێ و جگاره ل دووڤ جگارهیێ و د ناڤا دوومانهكه بێ خوهدی ده ناڤێ ته دبوو شهیدایهكی بێ وهلات دا كۆ جارهكه دن تو ڤهگهری وهلاتێ خوه وهلاتێ حهزكرنا نهناس ڤێ جارێ ، ئهز و تو ل سهر پێلان، ئهمێ پیاسهیێ بكن ئیرۆ خابوور ژی بێدهنگ بوو وهكی كهنێ ته بێدهنگ بێدهنگیا وی دئاخفی دگۆت: "تو ب خێر ھاتی وهلاتێ من" وهلاتهكی فهرهھ بوو خابوور ئاڤهكه بێدهنگ بوو زهلال وهكی ئاسمانێ د سهر سهرێ مه ره ئاخڤتن دلۆراندن دگری، ھێسر دھاتن ئهو ژی ئیرۆ بێ یار بوو بێ حهزكرن خابوور ژی، ب تهنێ پیاسه دكر، تو دزانی... خابوور ژ ئاخا ڤی وهلاتی دهردكهڤه ژ ئاڤا كانییێن ڤان چیایان سهرێ خوه دشوو ل دۆرماندۆرێن خوه بهفرینان شین دكه نهسرینان دبشكڤینه دا كۆ یارهك وهره و تهنێ گۆتنهكی ژێ ره ببێژه… پێلێن خابووری نهرم بوون دهنگێ وان نهدھات ھێدی ھێدی ب ئهردێ ڤه دخوشیان و د بنێ وی ده ماسیان ئهڤینی دكرن ل دۆرا چهمێ خابوور ب ھهزاران دارێن چناران سهر ھلداینه ژ شۆرهشێن بهری مه و پشتی ھهستیێن مه دیرۆكا وهلاتهكی دبێژن ڤی وهلاتی چ دیت و چ نهدیت! د بنیا سیها وان داران ده چهند مێرخاسان بیرئانینێن خوه تۆمار كرن، چهند شهر ھاتن كرن، چهند تیپێن ئازادییێ بۆ ڤی ئاسمانی ھاتن پێشكێشكرن؟! دارێن چناران ئیرۆ خهمگین بوون د بن سیها وان ده وهكی كواركێن مێشێن ھنگڤین من خوه كۆمی سهرھهڤ كر و ل دهنگێ وان گوھدار كر ب نازكی ژ ھهڤ ره دگۆتن: ئهم ب تهنێ مانه ل دۆرا مه تهنێ چهند پیاسه دهێنه كرن و د رۆژێن وندا ده ئهم چهند گورزهكهنان ژ دۆرا خابوور كۆم دكن خابوور بێدهنگ بوو ئیرۆ، وهكی من بێدهنگ د ناڤا خوه ده دكهلیا د بنێ خوه ده دگریا ما كی دێ ژێ باوهر بكه كۆ ئهڤینداره؟ ب ئاڤا خابوور ره ل سهر پێلێن نهدیتی من نامهیێن خوه دنڤیساندن چهند گۆتن بوون و د ناڤا وان ده تهنێ ناڤهك بوو د ھووندرێ وی ناڤی ده ژی بێدهنگیا من ھاتبوو ڤهشارتن ئیرۆ خابوور ب من ره ھهڤالینی دكر دهردێ مه یهك بوو قهدهرا مه یهك بوو ئهو بهر ب وهلاتێن نهناس ڤه دھهركه خوه دگهھینه دیجله دیجله وی ھهمبێز دكه لێ، ما كی دێ ھهركینا من پشتی ته ھهمبێز بكه؟ كی دێ ھهركینا من ب سهر دلێ خوه ده، پشتی ته، ببارینه؟ ئۆۆۆۆۆ خابوورۆ! ئیرۆ ژێ ره ببێژه چهند چیرۆكێن ئهڤینیێ مه گۆتن و پێلێن ته چهند بوونه دهرمان!
پرتووک
کێلیکێن رهملێ