بهرههم - نڤیسار
ژڤانێ من و وێ بههشتا هێشتا نهبوویی
سترانا پارچهبوونا زینێ
عارف حیتۆ ( ههلبهستڤان و نڤیسهر)
سترانا پارچهبوونا زینێ
"١ "
تو...
بارانهك بوھارانی، مینا ھهیڤێ
خۆ دگوھۆری ل دویڤ كهیفێ
جار ژیانێ دچاڤێن من دا دچوینی
جار حهزێن من،
ل بهر دهرگهھێ گرنژینێن خۆ دمرینی.
"٢ "
پڕ دترسم!
خوینا من، ئهوا لسهر لێڤێن ته ھشك بوویی
ببیته تۆز و با ببهتن
لێڤێن من پر تێھن و ھشكن
كا لێڤێن ته؟!
"٣ "
ئهز ئادهمم و
دێمێ ته بیستانێ دارسێڤانه
دوو سێڤ ژ دارسێڤهكێ كهڤتن
و ب سینگێ تهڤه نووسیان
من دهستێ خۆ درێژ كرێ
ئهڤرێن ئاسمانی دهست قوتان.
"٤ "
بشكورینهك تهر و شهرمین
گول گهشكرن
و تبلێن من، ل گهل روویێ ھشكێ مێزێ
یاری دكرن
خهیالا من، مریشكهكا ڤهقهتیایی یه ژ گوندیان
ھێكان دكهت
چیچهلۆكێن خوینگهرم و ئهزماندرێژ
ژێ دتركن!
"٥ "
ھهناسا من ژسهر لێڤێن ته چك نابیت
لێڤێن ته ژی ب شهرمینی ڤه،
ئاڤا ترییێ رهزان درێژن
ژ بهر ھندێ یه،
پهیڤێن ئهڤیندار سهرخۆشن!
"٦ "
تو كاغهزی و ئهز باھوڕم
نێزیك به و پهشێمان نا بی
باھوڕ سینگێ گهرمێ كاغهزانه و
عشقهكا ئازراندی.
"٧ "
تهنا.. بێدهنگ
ل ھهمبهری من روونشتی
ژ پرچا ته،
تیرۆژكێن رۆژێ د'وهرھن سهر چۆكێن ته
دلێ من كره بهندی و..،
حهز و پێنگاڤێن من كهڤر..
"٨ "
بولبلهكی ھێدی دادا سهر ملێ ته
ژ نشكهكێ ڤه،
تومكهك ل سهر روویێ ته دیت
و دهمێ خۆ درێژ كرێ
لێ، تومك ژسهر روویێ ته كهڤت
دویف ره بولبل و شمكا ته یا بێ سهربۆر
ئهو بولبل ھوور كر، كره گل
یارا من... ما ته نه دزانی،
دلێ من بوو... بوویه بولبل
ژبهر ته ژ سینگێ من فری بوو
ل سهر روویێ ته یێ بێ مكیاج نھی بوو
ته ژی دخهمان دا گهڤزاند؟!
"٩ "
ئهز ژ گهرما رۆژێ بێ بارم
ئهز غهریبێ ماچا پارم
ئهڤرێن رهش و مشهخت نا پهیڤن
لێ، رازێن مه ب كهیف و خۆشی
ل سهر سینگێ ئاسمانی دلهیزن.
"١٠ "
من و رۆژێ ھهڤركی بوو
كیژان ژ مه، دێ بهری یێ دی ته بینیت
رۆژێ جیھان كره كانی،
كانییهكا كهسك
و د ھهردوو چاڤێن ته دا چاند
لێ چاڤێ ته بولبلهك بوو،
ل سهر پانیا دهستێ من دخواند.
"١١ "
ژ بجویكاتی...
من و رۆژێ ئهڤینییهكا دژوار ھهبوو
و دێمێ ته د چاڤێن من ده
سهمایهكا عشقگرتیا گهرم ھهبوو
پێدڤی بوو... تو ببی رۆژ
دا تووشی دوودلییێ نهبم.
"١٢ "
بشكورینهك ساده و ساڤا
من دلهرزینیت وهك بجویكان
دوھی نیڤرۆ،
پهروانهیهك سیس ل دهڤ من روونشت،
دلێ من چوو ھرمیكان.
"١٣ "
ئهرێ رۆندكێن سهر روویان جوانترن،
یان ئهوێن دچاڤان ده؟
ئهرێ حهزێن نڤستی گهرمترن،
یان ئهوێن د ناف لێڤان ده؟
ئهرێ پهزێن سهربهردای بوھاترن،
یان ئهوێن د ناف گۆڤان ده؟
تو ب خۆدێكهی، ما ماچێن ب راستی خۆشترن،
یان ئهوێن د ناف خهونان ده؟
"١٤ "
ئهز دزانم
ته دڤێت بێژمه ته - من تو دڤێی -
ته دڤێت د عشقا ته ده بحهلم و
شهڤبوھێركێن ئهڤینییێ ل ھیڤییا دیتنا ته ببورینم
و تو نهھێی.
"١٥ "
ل دوماھییێ
ئهز ژی وهكو ھهموو سیاسییان، سیاسی مه
ھهر چ پارچا ژ بهر لهشێ تهڤه مابیت... من نه دۆتی
دێ كهمه رستكا سهربانی و
سنجاتییێ پێڤه شۆركهم.
پرتووک
ژڤانێ من و وێ بههشتا هێشتا نهبوویی