بهرههم - نڤیسار
زارێ کرمانجی کهس نکارت قهدهغه بکت
هیشام ئاکرهیی ( نڤیسهر )
زارێ کرمانجی کهس نکارت قهدهغه بکت
ئهڤ دهمهكه چهند كهسێن توند كه ب تلێن دهستان تێن ههژمارتن، دخازن گهلێ كورد ل باشوورێ كوردستانێ ل ههڤدوو جودا بكهن، ب ناڤی پێكئانینا زمانی ئیكگرتی یێ كوردی. ئهڤان كهسان چهندین نامه ژ بۆ سهرۆكێ كوردستانێ بارزانی شاندنه. ههروهسا ل كۆنگرێ وهزارهتا پهروهردێ دا ل ههڤلێر بنهمالا بهدرخانیان ب خائین و جاسیسێن ئیسرائیل ل قهلهم دانه، تنی ل بهر وێ ئێكێ كو پیتێن لاتینی ئێخستنه د ناڤ رێنڤیسا كوردی دا.
گهلۆ، دڤی دهمێ نازك دا، چما ئهڤ كهسه داخازا وێ ئێكێ دكهن زارێ كرمانجی و ههورامی ل باشوورێ كوردستانێ بێت قهدهغهكرن؟ جما ئهڤ كهسه دخازن بارزانی ب بریارهك سیاسی زارێ كرمانجی قهدهغهبكهت؟ جما داخازا وێ ئێكێ دکهن زارێ سۆرانی ببت زمانێ رهسمی ل باشوورێ كوردستانێ؟ بۆ دڤی دهمی دا ئهڤ كهسه ڤی ئیكی دكهن؟؟ ل ڤان ههمی پرسیاران ژی گرنگتر ئهوه: جما ئهڤ كهسه بناڤی بارزانیێ نهمر دبیژن كه بارزانی سۆرانی بزمانی ئیكگرتی یی كوردی ناساندیه؟ ئایه ئهڤ ئێكه راسته یان بۆختانهك ئاشكرایه ببارزایی نهمر تێت كرن؟ و ئهگهر ئهڤ ئیكه راست نهبت، جما ئهڤ كهسه بناڤی بارزانیێ دخازن ڤی كاری بكهن؟ و چما بهرسڤا كهسێن هۆسا ناهێت دانهڤه؟
بدیتنا من. چو سهركردێن كورد ههتا نها زارهكی كوردی لسهر زارهكی دی باشتر نهكریه و ههمی سهركردێن كوردان و بتایبهت بارزانییێ نهمر بهری خوه دایه ههمی زاراڤین كوردی وهك پارچهك ل زمانێ كوردی. لهوما هندهك مهرهمێن بن ڤه و ڤهشارتی دڤێ ئاخاڤتنێ دا ههنه. مهرهما سهرڤه د بیت ئهو به كه زاراڤی كرمرنجی ل دهڤهرا بههدینان قهدهغه بكهن. مهرهمهكا دن ژی ئهوه كو كوردرا هیشتا پهرچهپهرچه بكهن. ئهڤه ل بلی مهرهمێن دن كه دڤی بابهتی دا ناخازم بهحس بكهم.
ئهڤ سیاسهته دهولهتا عیراقی ژی بهرامبهر كوردان بكار ئانییه. دهولهتا عیراقێ بدریژیا ههبینا خوه زاری سۆرانی لسهر زاری كرمانجی و ههورامی زال كریه، داكو كوردێن بههدینان و ههورامان ل زمانێ كوردی دیر بێخن و بزمانێ عهرهبی بخینن. لی بهلێ ئهگهر بۆ خهلكی بههدینان ژی ههبا بزاری خوه بخوینن، وی چاخی بزمانێ عهرهبی نهدخاند. دهرئهنجامهكا ڤی سیاسهتا سهپاندن و زال كرنا زارێ سۆرانی ل سهر دهڤهرا بههدینان ئهو بوو كه خهلكێ بههدینان بهرهڤ زمانێ عهرهبی چوون. ئهگهر بێت و خهلكێ بههدینان ب زارێ كرمانجی بخینن، وی جاخی گریدانا وان ب زمانێ خوهڤه دێ ب هێزتر بیت. ئێكبینا زمانێ كوردی ب ڤی رهنگی ناهێت كرن. ئهم دكارن بهحسا رێنڤیس و پیتین ئێکگرتی بكهین دڤی قوناغێ ده.
د گهل هندێ كو نڤیسین ب پیتێن لاتینی كهلهك هیسانه و ب دههان ملیار دۆلار بۆ گهلی مه دزڤرینتهڤه، ئهڤ كهسێن هان دژی وێ ئێكێ ژی نه كه زمانێ كوردی ب پیتێن لاتینی بێت نڤیساندن. تنی ل بهر وێ ئێكێ كو كورد ل كولتوورێ عهرهبی و ئۆلێ ئیسلام دیر نهكهڤن. ئهڤ كهسه ل بیرا خوه د بهن كه چهندین گهلین دن ب پیتێن عهرهبی نانڤیسن لی بهلێ ههر موسلًَمان مانه و قورئانێ ژی دخینن. ئهڤه ل بلی وێ ئێكێ كه گهلهك وهخت بۆ زارۆكێ كورد د ڤهگهریتهڤه ئهگهر ب پیتێن لاتینی بنڤیسن.
ئهڤ كهسێن هان ناخازن گهلی كورد ل ههڤدو نێزیك ببه بهلكی دخازن فهرق و جوداییێ بێخن ناڤ گهلێ كورد دا. ئهو دخازن بهشهك ل گهلێ كورد لههڤ دوو ڤهقهتینن و سیاسهتا بۆژاندنێ بهرامبهر پرانیا گهلێ كورد بكاربینن. لهوما دبه گهلێ مه و پارتێن كوردستانی هشیار بن و ب پیلانێن كهسێن وهسا كه ل دویڤ گهلهك زانیاریان دهولهتێن بیانی ل پشت وان ههنه، ل ناف ببهن.
پرتووک
زارێ کرمانجی کهس نکارت قهدهغه بکت