نه‌وشێروان مسته‌فا و كوردستان پۆست هێرش و بێ حورمه‌تیێ ب كرمانجان دكه‌ن

هیشام ئاكره‌یی
akreyii@gmail.com

دیاره‌ هه‌نده‌ك كه‌س و لایه‌نان نه‌خشه‌یه‌ك دارشتی هه‌یه‌ دژ ب كرمانجان و زاری كرمانجی و هێدی هێدی راستیا وان كه‌س و لایه‌نان ده‌ردكه‌فه‌ و ئه‌و لایه‌نێن ل پشت وان ژی راده‌وستن ئاشكرا دبن.
ل ده‌سپێكێده‌ چه‌ند كه‌سان ده‌ست ب هێرشێن خوه‌ كر بۆ سه‌ر زارێ كرمانجی و بنه‌مالا به‌درخانیان و هه‌ر كه‌سه‌ك دن دخازه‌ زارێ كرمانجی وه‌ك زارێ سۆرانی ببه‌ زارێ خاندن و نڤیسینی ل باشوورێ كوردستان و ته‌ڤایا كوردستانێ. بمه‌ وه‌ربوو ئه‌ف كه‌سێن هان ته‌نێ بسه‌رێ خوه‌ ڤێ كاری ده‌كه‌ن و هه‌نده‌ك لایه‌نێن ئیسلامی و سعودیه‌ و توركیا ل پشت وان هه‌نه‌.
لێ مخابن نها ژمه‌را ئاشكرا بوو كه‌ چه‌ند لایه‌نێن دن ژی ل پشت هێرشا ل سه‌ر زارێ كرمانجی و كرمانجان هه‌نه‌ و ئه‌و كه‌س ل سه‌ر كوردان تێن ژمارتن، ئه‌ڤه‌ژی ترسه‌ك مه‌زنه‌ و گه‌لێ مه‌ ژ هه‌ڤدوو جودا دكه‌. دڤان رۆژان ده‌ دوو لایه‌نێن دن د ڤێ تۆرێ دوژمن كارده‌ ئاشكرا بوون. یه‌ك ل وان سه‌ركردێ پێش یێ یه‌كێتیا نیشتمانیا كوردستانێ یه‌ (نه‌وشێروان مسته‌فا) كه‌ ده‌زگه‌هه‌ك راگه‌هاندنێ هه‌یه‌ بناڤێ (وشه‌) و وێ ده‌زگه‌هێ بكارتینه‌ ژ بوو بێ حورمه‌تكردنێ ب كرمانج و به‌هدینیان. نه‌وشێروان د ده‌زگه‌ها خوه‌ده‌ بابه‌ته‌ك دوور و درێژ ئاماده‌كردیه‌ دژ ب كرمانجان تێده‌ كرمانجان ب (سه‌ر ستیر) و ( گا و گولك) و (نه‌ژاد په‌رست) وه‌سف دكه‌ و دخازن زارێ كرمانجی بێت قه‌ده‌غه‌كرن و ته‌نێ زارێ سۆرانی ببت زمانی ستانداردێ كوردی. نه‌ك ته‌نێ ئه‌ڤه‌ به‌لكۆ بوختانان ژی بنافێ بارزانی تكه‌ن و دبێژن بارزانی رازی بییه‌ تنێ سۆرانی ببت زمانێ ستانداردێ كوردی. هه‌ر وه‌سا دبێژن خه‌لكێ به‌هدینان هه‌می به‌عسینه‌ و زمانێ عه‌ره‌بی ل جه‌م وان ل یێ كوردی باشتره‌.
پاش نه‌وشێروان و ده‌زگه‌ها وی یا راگه‌هاندنێ ، مالپه‌رێ بناڤ كوردستان پۆست ژی ئه‌و بابه‌ت دووباره‌ به‌لاف كره‌ڤه‌ و ده‌ست ب هێرشێن خوه‌ كر بۆ سه‌ر كرمانجان و ئه‌و كه‌سێ بابه‌ت نڤیساندی به‌روڤاژی هه‌موو راستیان ته‌نێ سڤكاتی و بێ رێزی و ناف زراندنێ ب كرمانجان دكه‌ و ئه‌و ژی بدل خۆشیڤه‌ سڤكاتی و بێ رێزیا ب كرمانجان هاتی كرن به‌لاڤ ده‌كه‌ن. ئه‌ڤه‌ ژی ل گۆر هه‌می پیڤان و یاسایان قه‌ده‌غه‌یه‌ و ئه‌گه‌ر ئه‌و بابه‌ت لهه‌ر ده‌وڵته‌ك ئه‌ورپا بێت به‌لاف كردن خودانێ بابه‌تی و ده‌زگه‌ها راگه‌هاندنێ وێ بێن به‌رجه‌زاكرن. چونكه‌ ل چوو وه‌لاَتان رێك ناهێت دان بێ حورمه‌تی بخه‌لك و زاراڤه‌ وزمانان بێت كرن.
ئه‌ڤ كه‌سه‌ دبێژن: نها و ده‌موده‌ست ده‌بیت زاراڤێ كرمانجی ل باشووری كوردستان بێت قه‌ده‌غه‌ كرن و بێ شه‌رمانه‌ دبێژن بلا زاراڤێ كرمانجی ببت قوربانی زاراڤێ سۆرانی. ئه‌ڤه‌ ژی رێك ئه‌و مه‌ره‌م بۆ یا كو سه‌ددام حسێن دكر به‌رامبه‌ر زاری كرمانجی و دخاست زمانێ كوردی بكه‌ت قوربانی زمانێ عه‌ره‌بی و بدارێ زۆرێ زمانێ عه‌ره‌بی ل سه‌ر كرمانج و به‌هدینیان سه‌پاند و فه‌رز كر.
نها نه‌وشێروان مسته‌فا ، كوردستان پۆست، سعوه‌دیا عه‌ره‌بی و توركیا بهاركاریا چه‌ند پارتێن ئیسلامی و چه‌ند كه‌سێن ده‌ڤه‌ر به‌رست و دوژمنێن به‌هدینان ، دخازن بهه‌مان ره‌نگێ سه‌دام زارێ كرمانجی قه‌ده‌غه‌ بكه‌ن و بانگی سه‌ركردایه‌تیا كوردی دكه‌ن ڤێ یه‌كێ ب فه‌جرینن و ڤی ماره‌ی ژه‌هردار بده‌ستێ سه‌ركردایه‌تیا كوردی بكوژن.
گه‌لێ به‌هدینان و كرمانجی زار ده‌بێت بێت مه‌یدان و ل دژ نه‌وشێروان و كوردستان پۆست و هه‌ر كه‌سه‌ك دن وه‌ك وان بیر ده‌كه‌ن ل سه‌ر لنگان بن و بێن زمان و ڤان كه‌سان رسوا بكه‌ن.
گه‌لێ كرمانجی زار رێز هه‌یه‌ بۆ هه‌موو زارێن كوردی بتایبه‌ت سۆرانی و هه‌ورامانی و ناخازن ئه‌و زار بێن قه‌ده‌غه‌كردن به‌لكوو ده‌بێت گه‌لێ سۆرانی زار ئازاد بت ل بكارئانینا سۆرانی.. هه‌ر وه‌سا ئه‌م رێز بۆ بیروباوه‌رێن هه‌ر كه‌سه‌ك دگرن و ئه‌و ئازادن چه‌وا هزر بكه‌ن، لێ به‌لێ ئه‌و ئازاد نییه‌ سڤكاتیێ و بێ رێزیێ ب كرمانج و زاراڤێ وان بكه‌ن و ب به‌عسی و حاشا گا و گولك وسه‌ر ستیر ل قه‌له‌م بده‌ن و بخازن زارێ كرمانجی بێت قه‌ده‌غه‌ كرن. ئه‌م وه‌ك وان هزر ناكه‌ین و دوژمنێن كه‌س نینه‌ لێ ئه‌م دخازن وه‌ك هه‌ر كورده‌ك ب زارێ خوه‌ بئاخڤین و بنڤیسین.