بهرههم - نڤیسار
ستۆک
زهرۆ
ئیسماعیل هاجانی ( چیرۆکنڤیس )
مهيدانكا
کووچکان
ژگهلهك مروڤان ب ئاقلتربوو،وهسا هاتبوو
خوهدیکرن
،دز چهند بهێزبت خوه ژێ نه دته پاش،گوندێ وان دزى لێ نه دهاتنه كرن. ژ بهر ڤان ساخلهتا ههموو گونديان رێز لێ دگرت، ههموو
ی
ان خوه ب خودانێ وى دزانى. چ مالا گوشت چێكربا بارا وى دبره بهر دهرێ كولكێ وى, ههموو دهمان دارينكا وى تهژى لاكا گهرم بوو، خاروفكاوى تهژى ههستى بوون. كا ناڤێ تهحلۆ چهندى تهحل بوو، ئهو هێژ ژ ناڤێ خوه تهحلتربوو. لێ گوندیيان ژ بهر خاترا سهيێ وى "زهرۆ" رێز لێ دگرت. گهلهك جاران ههگهر تهحلۆ خهلهتيهك كربا. دگوتن ههما چ بكت،نههێته زبارێ، دۆربر و بێ نوبه چهمێ خوه ئاڤبدت،ههموويێ گورى زهرۆ بكن. پشتى وێ شهڤا ئاخ سوباتێ، زهرۆ گۆرك خهنكاندى دناڤ كۆزكا بهرخان ده ل حهوشا پيرهژنا ب تنێ ل بنێ گوندى. گهلهك گوندیيان رێزگرتن ژبهر زيرهكى ودلسۆزى يا وى،ناڤێن زارۆكێن خوه يێن وێ سالێ كرنه زهرۆ.
بۆ جارا حهفتێ گوندێ وان هاته چۆلكرن وكاڤلكرن، ب تانك وفرۆكان، ب دهستێ هندهكێن نه ژئاخ و ئاڤ و زمانێ وان. لێ ڤێجارێ گوندێ وان ب دهستێ هندهك ژ نفشێ وان هاته چولكرن. ههر مالهك بۆ خوه ب ريهكێ چوو. تهحلۆ ژى مالا خوه ئينا باژێرى, دخانيهكێ ب كرێ ده، زهرۆ رۆژ بۆ رۆژێ ل كێما ددا ئێدى لاكا گهرم نه دخوار، پوديێن وى فێر نهببوونه سهمۆنێن هشك،گاڤا سپێدێ ل بهر ديوارى دنڤست زاروكێن جيرانا بهر تێوهر دكرن. ژنكا تهحلۆ ب ههردوو چاڤان بوو دگرى ودگوت: "زهرۆ خوهزى ئهزو تو ههردو مربان ل بهردهرێ مالاخوه، و ئهم نهكهڤتبانه بهرديوارێن خهلكى".
ل ئێڤارى، گوته زهلامێ خوه: "چارهكێ ل زهرۆ بكه و ژ پێش چاڤێن من ببه، من نهڤێت ئهز زهرۆ هوسا مهلوول و پوسيده ببينم ،يان ئهزێ ئاگرى بهردمه خوه".
سپێدێ تهحلۆ زنجيرهك كره ستۆێ زهرۆ وبره مهيدانكا سان دا کو بفروشت. زهرۆ نهوهكى ههموو سان بوو، چو جارا ژ قهستا نه دنرى ونه درهوى. لێ وى مروڤێ دز ب چاڤان دناڤ هزار مرۆڤان دا دنياسى. ههتا تهحلۆ گههشتيه مهيدانكێ، دهڤێ زهرۆ نهكهته سهرئێك، تهحلۆ دبن لێڤان ڤه گوت: "ما مرۆڤهكى ساخلهم دڤى باژێرى دا نينه ،دياره مروڤێن ڤى باژێرى ههموو دزن".
دهنگێ زهرۆ كهڤت و زنجير د ستۆيێ وى دا چوو خوارێ، شركێن خوينێ پێدا هاتنهخوارێ وگهردهنا وى يا سپى سۆربوو ژ خوينێ هندى دنرى و خوه ڤهدكێشا. ژ مال ههتا مهيدانكێ، پتر ژ دههـ كهسان برينداركرن. ل مهيدانكێ ههموو سه بێ دهنگ بوون و ب بهرڤه رابوون رێزگرتن بۆ هاتنا وى.
زهلامهكى ئهفهندى ژ ترومپێلهكا جام تارى پهيابوو، دياربوو ژ شوفێرێ وى و تدارهكا وى كو ئهڤه رێڤهبهرێ ئۆفيسهكا گرنگه ل باژێرى. ژ نشكاڤه، زهرۆ خوه چهنگكرێ، كێلبێن خوه دحهفكا وى دا برن وچاڤێن وى زيق بوون، ههتا ژناڤ دهستێن وى ئينایه دهرێ نيڤ مرى بوو. د ناڤ وێ قوشمێ دا چهند رۆژنامهڤان وپهيامنێرێن ميديايێن جيهانى ئامادهبوون، ژ ههموو لايانڤه وێنهكرن. ههتا پۆليسان تهحلۆ و زهرۆ گرتين. زهرۆ حهفت ههشت پۆليس ژى برينداركرن. رۆژا پاشتر چيرۆكا زهرۆ بوو مانشێتێ ههموو رۆژناما و دناڤ ههموو دهنگ وباسێن جيهانێ ده هاتهبهلاڤهكرن. ل سهرڤێ روودانێ تهلهفزيونێ مێزگهردهك سازكر چهند پسپۆرێن شارهزا، د وارێ دهرون وجڤاكناسيان دا و نوژدارهكى فيتهرنهرى و ئێك ژ كۆمهلا دوستێن گيانهوهران پشكداربوون د مێزگهردێده. نوژدارێ دهروونى دمێزگهردێ دا بۆ جهماوهرى گهلهك نهێنى رۆنكرن، چنكو د وان رۆژان ده گهلهك گوتگوتك هاتنهكرن، هندا دگوت "زهرۆ سهيهكى هارو دره"،هندا دگوت "نهوهسايه زهرۆ پشتى ژ گوندى هاتيه باژێرى يێ شێت بووى ژ خهمێن گوندێ خوه ده. نۆژدارێ دهروونى، خويا كر کو هيچ نهخوشيهكا دهروونى و فيزيكى ل زهرۆ نينه. ب تنێ نهخوهشيا وى گهلهكى دلسۆزه، راستى پهروهره وخودان مهبدهئه و ئهرناڤێ وى ساخه، وهسا هاتيه پهروهردهكرن. هيچ جارهكێ چاڤێ خوه ل دزيێ و دزيكهران نهنقينت. دزێ چهند بچووك بت زهرۆ ب سهروچاڤان دنياست. ئهو مروڤێن هاتينه برينداركرن ههموو دز بوون. بۆ زانين دكاندارى تشتت دههـ قات دفرۆتن،قوتابى دئهزموونان ده قۆپيا دكرن، نۆژدارى سپێدهيا ئهركێ خوه ب دورستى بجهـ نهدئينا و چ پووته ب نهخوهشان نهدكر. نهخوهشێ پێدڤى ب نشتهرگهريێ نه، دگوتێ دڤێت زوو تو بهێی چارهكرن،ل ئێڤارى پێنج وهرهقان ل گهل خوه بينه و وهره نهخوشخانا تايبهت. مامۆستاى خوه ماندى نهدكر وقۆتابى لاواز بوون، پاره د دانێ بهرانبهر وانێن تايبهت، پۆليسان ياسابێشێل دكرن، بهخشيش وبهرتيل وهردگرتن، مامۆستايێ خوهدانێ ترومبێلا جامرهش رۆژێ دهمژمێرهكێ نهدما ل جهێ خوه، کو كارێن خهلكى برێڤهببت و نه هێژاى وى جهى بوو، ب واستهيى هاتبوو دامهزراندن و هيچ كارهك برێڤه نهدبر بێ بهرانبهر. ئهو زهلامێ خوهدانێ رها و بۆ روومهتى ئهنيا خوه رهشكرى ب ناڤێ خوهدێ وپيرۆزيێن بلند، پاره كوم دكرن، نهو خوهدان هوتێل ومۆتێله، ئهوێ توورێ پارسێ ل ملى. ئهڤه چهند ساله هند پاره كومكربوون ژنيڤهكا خهلكێ باژێرى دهولهمهندتر بوو. هێژ پارسهکی دكر، فێر بوو کو ل ههموو رۆژێن ئهينیيان كارتونهك دانا بهر دهرێ مزگهفتێ ومهلا دكره ههڤبار د گهل خوه وههرجار ل بهردهرێ مزگهفتهكێ. جار مهلاى دگوت: "گهلى خوهدان خێران، ئهڤه "قه ريبولئههده" وجار ژی دگوت: "ئبنو لسهبيله" و گهلهك جارێن دی دگوت: "مالا وى ياهاتیيه شهوتاندن".
پشتى جهماوهرى ئهڤ راستى زانى، ب رێكا تهلهفوونان، دلسۆزيا خوه بۆ زهرۆ دياركرن وخوازتن، پشكنينهكا هوور بهێتهكرن، چو سزايێن دوور ژ ياسايێ ل سهر نهسهپينن. زهرۆ برنه دادگههێ. هۆلا دادگههێ پر بوو ژ رۆژنامهڤانان و دوستێن زهرۆ. گونديێن زهرۆ يێن كهڤن بێشكرن، چار پارێزهرێن ب ناڤودهنگ گرتن بۆ بهرهڤانيكرنێ ژ زهرۆ. دو پۆليسان زهرۆ كێشانه دقهفهسا تاوانێ ده، زهرۆ ديسا نرى وخوه چهنگكره ههردوو پۆليسان وبرينداركرن. جهماوهرى دهست قوتان و فيتى ڤهدان وگازى كرن : "ئهو ژى دزن...ئهو ژى دزن".
ههردو پۆليسان سهرێ خوه شوور كرن. دادڤانێ مهزن چهكوچهك ل مێزێ دا و هێش ناڤێ زهرۆ ب داوى نهئيناى، زهرۆ خوه د سهر شفشان ره هاڤێت و د قتكا دادڤانی ره گرت و گهرساند، كێلبێن خوه ئاڤێتنه پستۆيێ وى و كراسێ ياسايێ ژبهركر ، ئهو بهردا وخوه چهنگكره داخوازكهرێ گشتى، د چنگلێ وى ره گرت و راكێشا، كراسێ ياسايێ ژبهر وى ژى كر. فيت فيت وچهپلهقوتانێ دهۆلێ ڤه دهنگ ڤهدا ودهركهتنه سهر جادا و بدهنگێ بلند دگوتن : "ئهو ژى دزن... ئهوژى دزن".
پرتووک
1- شهڤا فرێشته رهڤین - کورتهچیرۆک
.jpg)
