بهرههم - نڤیسار
چما ئهڤ هێرشێن هۆڤانه ل سهر مالباتا بهدرخانییان؟
سپێدهیا باهیڤان
ئهو خانما ههنێ
ژ دهفتهرا سهرهلدانێ 1
ژ دهفتهرا سهرهلدانێ بهشێ 2
ژ دهفتهرا سهرهلدانێ بهشێ 3
حهسهن سلێڤانی ( ههلبهستڤان و نڤیسهر)
ژ دهفتــــــــــــــــــهرا سهرهلــــدانێ 4
(4)
نێزيكى زيركێن ((حهسهنئاڤا..,دهنگێ گورمه گورما توپان, خوه ل گوهێن وه دا.. ته نهشيا چاڤێن خوه ژ گوندى بدهى ئالهكى.
ته دڤيا گهلهك پرسياران ژ دار و تهراشێن گوندێ بهرى سيهـ سالان وێران بوى, بكهى. ئهڤه چهند سال و سالن, خهلكێ گوندى ب زوورى و كوتهكى هێلاين و تهرقين؟ ئهڤ چهند سال و سالن, ئهڤ گونده,ل هيڤيا خورت و زهريێن خوه؟ ل هيڤيا گێسن وشالوكێن جوتيارێن خوه؟
- ئهم نێزيكى شهرى بون ئان نهء؟
ريشاردێ رۆژنامهنڤێس وه گوته تهو, كاميرا خوه دهينا سهر پێن خوه و دهفتهركهكا بچوك, ژ بهريكا خوه ئينا دهر.
تو لێ زڤريێ و ته گۆتێ:
- هێش ئهم دوورين ژ مهيدانا شهرى , ههتا ئهم دگههين دجهرگێ گهليدا ژ نو ئهم دێ نێزيكى توخيبێن شهرى بين.
- ئهڤه شينوارێن گوندهكێ وه نه؟
- بهلێ .. ئهڤه گوندێ (حهسهنئاڤايه) بهرێخوه بدهيێ, چهوا (رژێما مروڤايهتيێ) بۆ خو كريه بارهگايهكێ لهشكهرى!
هێدى. هێدى, ئهو قهلهمێ خوه ل سهر دهفتهرا خوه دبر و دئينا, نزا چ دنڤيسى سهرێ خوه راكر و گوته ته:
- هێزێن وه, پێدڤيێن شهرى و بهرهڤانيێ ئاماده گرنه؟
سێ سهد ئاخ و ئاخ ل پهى ئێك ژ دلێ من دهركهتن.
چ بێژمێ و چ نهبێژمێ؟ بێژمێ ئهم نڤستيبون و مه هايژ خوه نينه؟ بێژمىّ بهرپرسێن مه ل چيايهكى بون و مللهتێ خوهلى بسهر, ل نوهالهك دى بون؟ چ بێژمێ و چ نهبێژمێ, دێ لاوو جارهكا دى, درهوهكا دى بكه و, قرچكهك دى داعويره.
- بهلێ, بهلێ. تو ب ههر دوو چاڤێن خوه ژى دێ بينێ! سهرێ خوه ههژاند و گۆت :
- ئهڤ دار و بار و واره ههژى هندێنه, مرۆڤ خوه گورى كهت چ وهلاتهك پر جوانی يه وهلاتێ وه!
- پا تو چ دبێژێ مه كوردان, ئهڤيندارێن كوردستانێ.. بێى كوردستان ئهم تاژيكين, تاژيكين, تازينه, بهرزهنه..
- هيڤيهكا بێ توخيب ئهز يێ دچاڤێن وه دا دبينم.
- چونكى ئهم خودان باوهرينه..لهوا ئيرو بكهيف ئهم قهستا بهروكێن شهرى دكهين… وهلاتێ مه, تنێ بۆ مه حهلاله..
- دهمێ ئهم كهتين دزكێ گهليدا, بێهنا بارويتێ خوه ل دفنێن مهدا و, دهنگێ پهقينا توپا خوهشتر لێهات…
پرتووک
1.
گولستان و شهڤ " رۆمان"
2. قصص من بلاد النرجس " چیرۆک" ب زمانێ عهرهبی
