بهرههم - نڤیسار
چما ئهڤ هێرشێن هۆڤانه ل سهر مالباتا بهدرخانییان؟
سپێدهیا باهیڤان
ئهو خانما ههنێ
ژ دهفتهرا سهرهلدانێ 1
ژ دهفتهرا سهرهلدانێ بهشێ 2
حهسهن سلێڤانی ( ههلبهستڤان و نڤیسهر)
ژ دهفتــــــــــــــــــهرا سهرهلــــدانێ 2
رۆژا تيژا ل نيڤا ئهسمانى ههلاويستى، تيرۆژكێن خوه ل سهرێ بێخێرى و پرا دهلال وخابورێ هار وبێهن تهنگ، ب دژوارى بهلاڤ دكن.
هێژ نهگهههشتى مهيدانا بارزان، خوههێ خيڤهتا خوه ل نيڤا ئهنيا ته ڤهدا، هێديكا ته كهفيكا ناڤ دهستان ژ بهريكا شهلوالى ئينا دهرێ و ئهو خوههه مالى. ب كهرب، ته بهرێ خوه دا گازينۆیا وهرزشى، يا بهرى شهش رۆژان، ئێكێ ژسهركردايهتيیا بهرهیێ كوردستانى پهيڤهكا ماقويل و پر بها لێ خواندى، ته قورچهك داعويرا و گوت: "پا كا ئهو مرۆڤێن لێ كومبووين و نههێلان باش بئاخڤيت، ژ دهستقوتانێ پێڤهتر؟".
ل نێزيكى خهستێ، چاڤێن ته ب جهگهری كهتن. دهستێ راستێ ل ههوا راكر و ب كهيف قهستا ته كر، دهستێ خوه ل رهختێ ته دا، گوت:
- تو ل گهل كێ ی لاوك؟
- ئهز ب تنێ مه، لێ هندهك ژ ههڤالێن راگههاندنێ گۆتن ئهم دێ ل گهل ئێك چن! ل بارهگایی زهلام دگههن ئێك.
- خوه ل هيڤيا من بگره، ئهزێ چم فراڤينێ خوم و تڤهنگا خو ئينم و ئێم.
- باشه. لێ، ههگهر گيرۆ نهبى.
- ههگهر ئهز زوى نههاتم، تو ههره و ئهم دێ ل گهلى ههر گههن ئێك.
د وێ دهليڤێ ده جحێلهكێ بهژن بلند و سور و سپى و لاوێ لێكداى سلاڤ كر ، گوت:
- ئهرێ راسته عهسكهر و تۆپ و تانك گههشتنه دهشتێ؟
ئێكسهر جهگهرى بهرسڤا وى دا :
- ئانكو تو دزانى يێن هاتين؟
- پا ئهمێ چ كن؟ چ ژمه دئێت ههی بهختێ خوهدێ؟
دهمێ وهسان ب سستى وساڤايى و مرى ئاخڤتى، تو بوويى ئاگرێ سور بێ کو ته های ژ خوه ههبت، ته دهستێ خوه كر د ناف چاڤان ره وب رهقى گوتێ: "ههما تو و بوينباغا خوه و پێلاڤا تهيستهيسوك ساخ بن، كورۆ تو شهرم ناكی وه دبێژى؟ ما تو نه زهلامى؟ تو نهشێى چهكى هلگرى، ههى خولى ب سهر!".
گهلهك تێك چوو ، خوههێ ئهنيا وى گرت، دهستێن وى لهرزين، چاڤێن خوه شۆركرن ئهردى و لێڤ ژ سهر لێڤێ رانهكر.
" ب خاترا وه!".
ته وه گوته ههردویان و تو چوویی.
كۆمهكا ترومبێلان ل بهر دهرگههێ بارهگایی راوهستابوون. زهلامێن چهكدار كارێ خوه كربوون ولاو خو لێكدابوون بۆ شهرى .
ژ نشكهكێ ڤه، مهلايهكێ ريهـ سپى و رهنگ ماقويل، ب دهنگهكێ بلند قيركر: "دێ لاوينۆ دێ! دێ خورتينۆ دێ! دێ مێرخاسينۆ دێ! ئهڤه رۆژا مێرانه، ئهڤه يه رۆژا شێران، ئهڤهيه رۆژا زهلامێن ب غيرهت و نامووس … مرن نينه ژ ئيرو ڤه. شههيده… شههيده، بهههشتى يه يێ سهخمهراتى ئاخا خوه، مالا خوه، عهيالێ خوه شههيد بت … دێ لاوينو دێ...، دێ كوردينۆ دێ...، دێ نهڤيێن شێخ سهعيدێ پيران و بارزانيێ نهمر...، خوه بهاڤێژن د ترومبێلان ده و قهستا مێران بكن و دوژمنێ بێ هێز و لاواز و نهوێروك و ژ برسا مرى بههرشينن...، دێ ئهڤيندارێن كوردينيیێ دێ...، دێ ههیی دهلالێن ل بهر دلێ ملهتێ خوه دێ...، ههى سهحهتا وه خوش بيت لاوێن بهركهتى، ئيشه لله خوهدێ قهوهتێ بدت وه و پشتا دوژمنێ وه بشكینت...، دێ ههرن...، دێ ههرن وهغهرا وه ياخێرێ بيت".
گوتنێن مهلایی هێزهكا مهزن ددا زهلامان و ئێكسهر قهستا ترومبێلان دكرن بۆ بهروكێن شهرى. دهمێ ته ڤيایی خوه بهاڤێی دكوستهرێ ده، ريتشاردێ پرچ درێژ، ب كاميرا خوه ڤه ل بهر ته راوهستا، ب زمانێ ئینگليزى گوت:
- من دڤێت شهرێ گهلى وێنه بكم، دێ پارتى ترومبێلهك ههبيت من بگههينن وێرێ؟
- ئهز دێ پرسيار کم.
ته ئهو ل گهل خوه بره ژوور ڤه وگوته وی بهرپرسێ جحێل:
- ئهڤه رۆژنامهنڤێسه، حهزدكت شهرى وێنه بکت. دێ ترومبێلهك بۆ ههبيت؟
- كێ گوته ته تو وی بينى ڤێرێ، ما تو حالێ مه نابينى؟
- بهلێ وهلله ئهزێ حالێ وه دبينم، چهوا د ئێك دو دسهتمن و وهك گێژا نزانن دێ چكن!
- دێ ههره خالو ههره نه دهمێ وى يه.
ته دهستێ وى كيشا و پێکڤه وه قهستا كوستهرهكێ كر و هوين سوا ربوون .
ته چاڤێن خوه ل دهوروبهرێ خوه گێران، ته دۆستهكێ خوه ديت، وه سلاڤ كر ئێكدو، شوفێرى دا رێ و سترانا شڤانى ههرنه پێش " لێخست.
پرتووک
1.
گولستان و شهڤ " رۆمان"
2. قصص من بلاد النرجس " چیرۆک" ب زمانێ عهرهبی
