بهرههم - نڤیسار
چما ئهڤ هێرشێن هۆڤانه ل سهر مالباتا بهدرخانییان؟
سپێدهیا باهیڤان
ئهو خانما ههنێ
ژ دهفتهرا سهرهلدانێ 1
حهسهن سلێڤانی ( ههلبهستڤان و نڤیسهر)
چما ئهڤ هێرشێن هۆڤانه ل سهر مالباتا بهدرخانییان؟
مخابن، کو د كۆنگرێ پهروهردهیی یێ ھهولێرێ ده، ل رۆژێن ٢٢- ٢٤- گولانا -٢٠٠٧ ده، ھێرشهكه دژوار، ب رهنگهكی ژههراوی و پلانكری ل سهر مالباتا بهدرخانیان ژ نوو ڤه ھاته كرن، ئهڤ مالباتا دلسۆز و خهمخوهرێن كوردینیێ و زمانێ كوردی یێ پاقژ و شرین.
كی بهرپرسه ژ ئهڤێ تاوانا ل بن ئالایا كوردستانێ، یا کو ل پایتهختا كوردستانێ روودایی؟
ئهرێ ب چ مافی وهزارهتا پهروهردهیا كوردستانێ قهبوول كریه ئهو كۆما نڤیسینێن ب ژههرێ رهشاندی ل ژێر ناڤێ " زمانی ستانداردێ كوردی و ئهلفوبێیی ستانداردی كوردی - كۆمهله ووتارێك" كو د بنهرهت ده دژی كورمانجیێ و مالباتا بهدرخانیانن؟
كێ رێ خوهش كرییه کو ئهڤ ژههرا ھۆ لێكدایی د ناڤبهرا ئهندامێن كۆنگرهیێ پهروهردهیی ده بهلاڤ بت؟
كی ڤی مافی ددت نڤیسكارێ ژ خوهرازی- فهرھاد شاكهلی –کو ھوسا ب پێخواسی، ب بێرێزی بێژت: "له ناو كورد ده كهس ھێندی بنهمالهی بهدرخان دلسۆزی بیر و باوهر و ئیدۆلۆجی یی ئهتاتۆرك نهبوو. ئهوان ئهگهر چی به رووالهت دژی توركییا بوون، بهلام له راستی دا ناكۆكییان تهنیا له سهر دهستهلات بوو. جهلادهت و كامران بهدرخان له ھهمۆ ژیانی ده ڒولی ئهوهیان بوو که لاسایی ئهتاتۆرك بكهنه وه و زۆریش له دلهوه سهرسامی كهسایهتی بیركردنهوهی ئهتاتۆرك بوون..." رووپهل١٠
ئهو ب ڤێ بێبهختیێ ب تنێ رازی نهبوویه، بهردهوامیێ ددت گۆتنا خوه و دبێژت: "جهلادهت و كامران دهیانویست ئهوهی که له سیاسهت دا دۆراندوویانه له زمان و فهرھهنگ دا وه دهستی بێننه وه. بنهمالهی بهدرخان ھهر دوای رووخانی میرنشینی بۆتان له ئهستهمبوول وه له كریتا وه له چهند جێیهكی دیکه ژیانی بهلام ھهمیشه پێوهندییان له گهل دهستگاكانی ئیمپهریالیستیدای بهتایبهت دهستگاكانی جاسووسی ھهبوو وه و كاریان بۆ كردوون. ئهمهش ھیج سهیر نیه كاتێ که دهزانن سهرچاوهی ئیدۆلۆژییی ئهتاتۆرك و بهدرخانییهكان ھهر یهك سهرچاوهیه و ھهردوو یان له یهك كانی ژههراوییان خواردووته وه". رووپهل ١١
ئهڤ ھێرشا ھۆڤانه یا نڤیسهری د مێشكێ خوه یێ نهساخ ده ڤهھاندی و چێكری، سهخمهراتی ھندێ یه كو ئهڤ بنهماله پێشهنگێن رهوشهنبیری و زمانێ كوردی بووینه و شوونتلێن وان دیارن. بهرھهمێن زندی ل پشت خوه، ژ خۆرتێن كوردان ره، ھێلانه نهخاسم كو میر جهلادهت بهدرخان خوهدییێ ھزرا دانانا ئهلفابێیا لاتینی یه بو زمانێ كوردی. ژ بۆ یهكگرتنا زمانێ كوردی ل پاشهرۆژێ، چونکه ئهو ژیر و ھۆشمهند بوو، زانایهكی زمانهڤانی بوو.
ئهڤ ھێرشێن تامسار و بێ بنیات، دێ ھهر ھهبن ژ ئالییێ نهساخ و مرۆڤێن مهژی ھشك و گرتی ڤه. ئهوێن کو ژ بهر پێن خوه وێڤهتر چو دی نابینن.
ئهز نزانم ئهڤه چ گری یه ل سهر ئهلفهبێیا عهرهبی و كولتوورا ئیسلامی یا كو ھهردهم چو رێز بۆ ملهتێ كورد نهگرتین بهلێ كیمیا و خهردهل و سیانید ژ ھهژی مه دیتین، ب شادی ل مه رهشاندین و ئهم بهر ب مرنێ هاژۆتین! بنهمالا بهدرخانییان ھهر دێ بمینن جھێ رێزگرتنا ملهتێ كورد ژ بهر وێ دیرۆكا پاقژ، یا بۆ مه ھێلایین و کهسێن نه رازی ژی بلا ل پهی ئاوازێن عهرهبی بنالن .
پرتووک
1.
گولستان و شهڤ " رۆمان"
2. قصص من بلاد النرجس " چیرۆک" ب زمانێ عهرهبی
