بهرههم - نڤیسار
چما ئهڤ هێرشێن هۆڤانه ل سهر مالباتا بهدرخانییان؟
سپێدهیا باهیڤان
ئهو خانما ههنێ
ژ دهفتهرا سهرهلدانێ 1
حهسهن سلێڤانی ( ههلبهستڤان و نڤیسهر)
ئهو خانما ههنێ...
ئهو خانما ههنێ
ئهوا دگهل ویسكى د حال دچت
سهد سوفى ل بهر پێن وێ
ئاڤ و ئاڤ دچن
ئهو خانما ههنێ
ئهوا ل بهر پهردێ دهزرا ره مايى
روناهيیا دلێ وێ
پهردێ سپيتر لێ دكت
ئهو خانما ههنێ
ئهوا د دويكێلێ ره مايى
خوهشه سيها گرنژينا وێ
دهما پێكێ خوه رادكت
سهما ژ زهندا دفرت
و دل ژ من
ئهو خانما ههنێ
ئهوا چگارێ ب دهستێ چهپێ دگرت
شهوقا لێڤێن وێ خوهشى ژێ دزێت و
درژت سهر مێزێ و
مێزا وێ دهلالتر دبت
ئهو خانما ههنێ
ئهوا ژ شيشا شهرابا ههڤالا من زهلالتر
ههژی یه مرۆڤ موركێن رستكا وێ ماچی بكت
ئهو خانما ههنێ
ئهوا خودێ د جوانيێ ده داهێلاى و
تێكده دهلالى
دهما پێكێ ڤالا تێدكت و
بلند دكت و
هێدى, هێدى خوهشيێ ل مه درهشينت
شهوقا زهندێ وێ
شهمالكێ روهن دكت
ئهو خانما ههنێ
ئهوا دهستێ خوه دانى بن سهرێ خوه
چهند دهلاله
خوزى ئهز دهستێ وێ بام
ئهو خانما ههنێ
ئهوا وهك وێ نه ل ڤێ شه ڤێ
ئهوا ئهنى سپێده
ئاڤا بت مالا وێ
شاد كر شهڤا مه .
پرتووک
1.
گولستان و شهڤ " رۆمان"
2. قصص من بلاد النرجس " چیرۆک" ب زمانێ عهرهبی
