بهرههم - نڤیسار
چما ئهڤ هێرشێن هۆڤانه ل سهر مالباتا بهدرخانییان؟
سپێدهیا باهیڤان
ئهو خانما ههنێ
ژ دهفتهرا سهرهلدانێ 1
ژ دهفتهرا سهرهلدانێ بهشێ 2
ژ دهفتهرا سهرهلدانێ بهشێ 3
ژ دهفتهرا سهرهلدانێ 4
ژ دهفتهرا سهرهلدانێ 5
حهسهن سلێڤانی ( ههلبهستڤان و نڤیسهر)
ژدهفتهرا سهرهلدانێ - 5-
ئروبا بهرهكات كا تو؟ نوها تو ل كوڤهيى؟ ئهرێ ته ديتن و تێبينيێن خوه لسهر گهريانا مهيا ئازاد دناڤ خهلكێ و پێشمهرگهى دا توماركرن؟ ئو ئهو وێنێن ته گرتين دێ گههن گوڤارا تو لێ كار دكى؟
نوها تو يێ د هزرا وێدا, لبهر چاڤێن تهيه ,تو وهسا دبينى نوها هاوارا وێيه دا بو خوه رێيهكى ببينت كو ژ تهنگافيا كهتيێ رزگار بت... مخابن پا نوها خهم و كوڤانا خوه ل دور چاندى يه !! بێگومان نوها مامێ ئهڤدولا د هاوارا وێ چوويه.
ژ جارا پێشييێ كو من ئهو ديتى دناڤ پێشمهرگان دا ل بارهگايێ ئوپهراسيۆنان , وهسا ب سڤكى وباوهرى ب كاميره وقهلهم وئاميرێ تومارێ دچوو و دهات ,دێ بێژى يهك ژ مهيه, من ههست ب خوهشييهكا مهزن كر.
پشتى پرسێن خوه ل سهر سهرهلدانێ و ئارمانجێن وێ كرين و ههڤالان بهرسڤ داين, وه ههردويا ههست ب نێزيكبوونهكى دكر ئو چاڤێن وه يێن پر بشكورين باشترين شاهد بوون .
دهما دهستێ خوه ل پشتا ته داى وگوتى:
- ئو نوها تو دێ من كووڤه بى؟
ته بهرێخودا داڤا زهرا پرچا وێ ياهاتى خوار ل سهر ئالهكێ و ته گوتێ :
- دێ چين گهريانهكا ئازاد دناڤ باژێرێ زاخو دا
- من حهز ژ ڤى باژێرى كر
- چما جانێ ؟
- بهس پرسياران بكه , ئهو كارێ منه !!ئهزم روژنامهڤان وپرس مافێ منه ما نه؟
- بلا وهسا بت كچا بهرهكاتى .
ئهو , به يار و تو, وه ههرسيان قهستا بازارێ , گورستانێ ,خابورى, پرا دهلال كر..وه چهند وێنه گرتن .. ل سهر پرێ ئروبايێ سهرێ خوه دههژاند و دگوت:
ڤێرێ چهند خوهشه؟؟ئهڤه چ چيايێن ژێهاتينه؟؟چ خابورهكى ب ئشق و ئهڤينه ؟ هوين دخێرا خود ێدا نه !!
چاڤێن خوه ژ ئاڤا خابورى و زيركێن دهستێ راستێ و خهلكێ ڤه نه دكرن,خوهشيا بهارێ گولستانا خوه ددلێ وێدا چاند بوو, نيڤ فيتيهك ڤهدا وژكووراتيا دلى َخوه گوت:
- وهى بابو چهند خوهشه زاخوكا وه !!
به يارى ب كهنى ڤه گوتێ :
- وهره ببه يهك ژ مه ئو ل ڤێرێ بمينه, ما نه باشه؟؟
- سباس , مالا وه ئاڤا , بخودێ من حهز ژ وه و خهلكێ وه كر . بهلێ پا وه نهديت.
پشتى ئهم تێر وهستياين, ئهم ڤهگهرياين نيڤا بازارى , مه ڤهخوهند بو نانخوارنێ ل مال , لێ ئهوێ دونيا قولوپاند و گوت : - وه بڤێت ئو نهڤێت هوون مێڤانێن منن .
- كچێ دينا خودێ ناچيبت , تو يا دناڤ مهدا , ئو ئهڤه مالێن مهنه .
- هون خودێ كن وه نهبێژن . دهمێ مه كورته , ئو بلا ئهز فهيدهى ژ دهمێ خوه وهربگرم .هوون مێهڤانێن ئروبا بهرهكاتن , باشه؟
- باشه! نا وهلا نهباشه , بهس بلا وهك تهبت .
- دا بچين هوتێلا بهغدا.
- دا بچين.
تاما كهبابا خوهشتر لێدهات , دهما وه ههر سيان بهحسێ پهيڤێ و وێژه ورهوشهنبيرييێ دكر , دئودهيا وێ يا بجووك ڤه.
تو و بهيار كهيفخوهش بوون چونكه وێ ههست ب هێمنى و رهحهتيێ دكر دگهل وه دكر.
ئروبايێ ب شادى جيروكا دهرباسبوونا خوه ژ ئاڤا مهزن ب گهميهكا بچووكا دارى بو وه ههردويان ڤهدگێرا, وخوهشى ژ ناڤ چاڤا دفرى , دهمێ ب ئهڤينى بهحسێ پێشوازيا پێشمهرگان يا پر جامێرى و رێزگرتن ل خالا فێشخابورى دكر... وه ههست دكر خوهشى يا مالا خوه لسهر ديوارێن ئودا هوين تێڤه ب دهلالى رادئێخت, دهما وێ بهحسا وان گاڤێن چاڤێن وێ جوانيا چيايێن كوردستانى ماچيكرين, ئو بێهنا كوليلكێن نهوروزێ دلێ وێ تژى بايێ ئازاديێ كرى .
نه تو , نه به يار چو جاران نكارن ڤان پهيڤێن وێ ژ بير بكن:
- ئاااااااااااااااااه چهند هوون باشن و خوهش مروڤن خهلكێ كوردستانێ !
كاتو كچا بهرهكاتى؟ ئهز هيڤى دكم چو بهلا نههاتبن سهرێ ته و تو ساخ وسلامهت بى ... بێگومان ئهم دێ يهك دو بينين ڤه , ئهڤه دله هو دبێژيت, ئو كێم جاران دلێ من شاش دبت.
پرتووک
1.
گولستان و شهڤ " رۆمان"
2. قصص من بلاد النرجس " چیرۆک" ب زمانێ عهرهبی
